उज्यालो नेपाल पाटिको चुनावी कार्यक्रममा उल्लासमय सहभागीता

काभ्रे / बनेपा । उज्यालो नेपाल पार्टीका अध्यक्ष कुलमान घिसिङले आज काभ्रेका विभिन्न स्थानमा भएका चुनावी कार्यक्रमलाई सम्बाेधन गरेका छन् ।

बुधबार बिहानैदेखि जिल्लाका विशेष क्षेत्रमा सहभागी हुन घिसिङ काभ्रे आएका सोही पार्टीका तर्फबाट काभ्रे क्षेत्र नम्बर २ मा उम्मेदवार इन्जिनियर ज्योत्सना सैंजुले बताउनु भएको छ ।

आज बिहान ७ बजे नगरकोट पुगेका घिसिङ त्यसपछि पाँचखाल गएका थिए । त्यस्तै उहाँ बनेपा आएर बनेपाकाे चुनावी सभालाई सम्बाेधन गरेका थिए । उहाँ सहभागी कार्यक्रममा नागरिककाे उल्लेख्य उपस्थिती रहेकाे थियाे ।

काभ्रे जिल्लाको क्षेत्र नम्बर २मा इन्जिनियर सैंजु चुनावी प्रतिस्पर्धामा छन् । उहाँले एक चरणको घरदैलो अभियान सम्पन्न गरिसक्नु भएको छ । बनेपा स्थायी बासिन्दा सैंजु पेशाले होटल ब्यवसायी हुन् । देशकाे शान्ति सुरक्षा, सुशासन र राेजगारी अभिबृद्धिका लागि आफूले उम्मेदवारी दिएकाे उहाँको कथन छ ।