ब्रोड पीक दुर्घटनाप्रति सरकारको दुःख व्यक्त, निम्सदाइसहित दिवंगत आरोहीप्रति श्रद्धाञ्जली

काठमाडौ /  नेपाल सरकारले ब्रोड पीक हिमाल आरोहणका क्रममा गएको हिमपहिरोमा परी ज्यान गुमाएका नेपाली तथा विदेशी आरोहीप्रति गहिरो दुःख व्यक्त गरेको छ।

परराष्ट्र मन्त्रालयले आइतबार विज्ञप्ति जारी गर्दै प्रख्यात नेपाली पर्वतारोही निर्मल पुर्जा ‘निम्स दाइ’सहित पुरबहादुर गुरुङ ‘युक्ता’, किली पेम्बा शेर्पा ‘किलु’, निमा शेर्पा, नवाङ थिन्डु शेर्पा, ग्यालु शेर्पा तथा अन्तर्राष्ट्रिय आरोहण दलका सदस्यहरूको निधनले पर्वतारोहण क्षेत्रलाई अपूरणीय क्षति पुगेको जनाएको छ।

मन्त्रालयका अनुसार नेपाली आरोहीहरू संलग्न टोली बेपत्ता भएको जानकारी प्राप्त हुनासाथ पाकिस्तानका सम्बन्धित निकाय र नेपाली उद्धार टोलीले खोज तथा उद्धार कार्यलाई तीव्र बनाएका थिए।

साथै, उच्च हिमाली क्षेत्रमा कठिन परिस्थितिमा खोज तथा उद्धार अभियान सञ्चालन गर्ने पाकिस्तानी र नेपाली पर्वतारोही टोलीको साहस र समर्पणप्रति सरकारले उच्च सम्मान व्यक्त गरेको छ।