कात्तिकदेउारालीको खानेपानी समस्या समाधान गर

कात्तिकदेउारालीको खानेपानी समस्या समाधान गर पानी मानवीय आवश्यकता हो । यो विना मानिसको जीवनयापन सम्भव छैन । मानिसको दैनिकी यो विना परिकल्पना पनि गर्न सकिदैन । यसको प्रयोग अनेक छन् । घरायसी, औद्योगिक क्षेत्रमा यसको प्रयोग छ । बढ्दो जनसंख्या, शहरीकरण र वनविनाश लगायतका कारण पछिल्लो समय पानीका मुहानहरु सुकिरहेका छन् । मानिसलाई खानेपानीको समस्या छ । शहरमा मात्र नभएर गाउँमा पनि खानेपानी समस्या भोगिरहेका छन् जनताहरु । श्रोतको उचित प्रयोग नहुँदा पनि ग्रामिण भेगका जनताहरु खानेपानीको समस्या भोग्न वाध्य छन् । कतिपय गाृउँमा त खानेपानीको चरम समस्या पनि छ । कोशिपारीको कात्तिकेदेउराली वडा नं २, ३, ४ र ७ का स्थानीय यतिखेर खानेपानीको समस्या भोगिरहेका छन् । यसले उनीहरुको दैनिकी कष्टकर त बनाएको छ नै, खानेपानीकै कारण उनीहरु विश्थापित नै हुने अवश्थामा समेत पुगेका छन् । ती वडाका ६ सय २० घरधुरीका ४ हजार जनसंख्याले खानेपानीको समस्या भोगिरहेका छन् । २०१८ सालमा स्थानीय कमलराज गिरीको नेतृत्वमा चिउरीवासवाट प्रभा उच्च माविको लागि ल्याएको पानी बस्ती बढ्दै गएपछि कात्तिकेमा खानेपानीको समस्या छ । २ घण्टा लगाएर स्थानीय कामी पधेँरोबाट पानी ल्याउनुपर्ने बाध्यता छ । त्यहाँ पनि अभाव हुने फाल्गुन देखि जेठ महिनासम्म त चौरी खोलामा नै पुगेर खानेपानी ल्याउनुपर्छ । महिलाहरु विहान सबेरै पानी लिनको लागि जान्छन्, बच्चालाई समेत ध्यान दिन पाउँदैनन् । विद्यार्थीहरुलाई पनि विद्यालय आउनुअघि पानी लिन जानुपर्ने बाध्यता छ । यसले उनीहरुको पढाईमा पनि नकरात्मक असर परिरहेको छ । खानेपानीको समस्या समाधानको लागि पहल नभएको पनि हैन । २०६१ सालमा नै १४ किलोमिटर टाढा न किनिएको छ । २०६३÷ ६४ सालमा त सर्भे पनि भएको हो । १ करोड लागत अनुमान गरिएको छ । स्थानीयको कम पहल, राजनैतिक खिचातानीका कारण यो सम्भव हुन सकेको छैन । मुहानमा मोहीको विवादका कारण प्रकृया अगाडी बढ्न सकेको छैन । कात्तिकेदेउराली गाविस कार्यलयको नाममा जग्गा भएपनि विवाद मिल्न सकेको छैन । खानेपानी ल्याए त्यसको जस कसले लिने भन्ने विवादकै कारण स्थानीय राजनैतिक दलका नेताहरुले पनि यसमा चासो देखाएका छैनन् । कात्तिकेदेउरालीको खानेपानी समस्या समाधानको लागि सबै एकजुट हुन आवश्यक छ । दलहरुलाई दोष थुपरेर स्थानीय कम सक्रिय भइर पनि समस्या समाधार हुने हैन । सबैको सहमतिमा मुहानको विवाद टुङग्याएर यसको लागि लाग्ने रकमको जोहो गर्न सबै जना लाग्नुपर्छ । सरोकारवालाहरुले पनि सहयोग गर्न हिच्किचाउन हुँदैन । कोशिपारीमा जन्मेर विभिन्न स्थानमा पेशा र व्यवसाय गर्न गएकाले पनि यो क्षेत्रको खानेपानी समस्या समाधानको लागि आफ्नो स्थानबाट सहयोग गर्नुपर्छ । यहाँका राजनैतिक दल, नागरीक समाज, विकासप्रेमीहरु एक ठाउँमा आउने हो भने यहाँको खानेपानी समस्या समाधान हुन सक्छ । यसको लागि सबैले बेलैमा सोच्नु जरुरी छ । अनि मात्र कोशिपारीको खानेपानी समस्या समाधान हुन्छ ।