दलीय भागवण्डाको शिकार बनियो ः योजना अधिकृत

जिल्ला विकास समिति काभ्रेपलाञ्चोकका योजना अधिकृत प्रमुख टेककुमार रेग्मीले बजेट विनियोजनमा हुने गरेको दलीय भागबण्डाको शिकार जिविस कर्मचारी बन्नुपरेको दुःखेसो गरेका छन् ।  भरोसा नेपाल काभ्रे शाखाले शुक्रबार धुलिखेलमा गरेको अभिमुखीकरण तथा अन्तक्र्रिया कार्यक्रममा बोल्दै रेग्मीले दलहरुले कालो कोठामा बसेर गरेका बजेट विनियोजनको निर्णयको जवाफ आफुहरुले दिनुपरेको बताए । दलीय संयन्त्र विघटन भएपछि झन् दलहरु उत्तरदायित्व विहीन भएकाले काम गर्न असहज भएको उनले बताए ।
कार्यक्रममा एकीकृत नेकपा माओवादीका ज्ञानसागर लामाले सरकारले बेलाबेलामा दिने निर्देशन, परिपत्र, नियम लगायतका विषयमा स्थानीय दलीय प्रतिनिधि जानकार नहुने भएकाले आवश्यक र मापदण्डभित्र बजेट पर्ने नगरेको स्विकारे । उनले अधिकांश गाविस सचिव गाउँमा नबस्ने र सम्पर्कमा पनि नआउने गरेको भन्दै गाउँ परिषद् हुँदा मात्र गाउँमा सचिव भेटिने गरेको आरोप लगाए ।
कार्यक्रममा नेपाली कांग्रेसका जिल्ला सदस्य दिनेश लामा , नेकपा एमालेका सचिवालय सदस्य इन्द्रबहादुर तामाङ, नेकपा  — माओवादीका छैबु लामा लगायत विभिन्न दलका नेताहरुले स्थानीय निकायको काम कारवाही प्रक्रिया पारदर्शी र उत्तरदायी बनाउन सक्दो पहल गर्नेमा जोड दिए  । सहभागी  महिला, दलित, अपांग लगायतका विभिन्न समुदायका प्रतिनिधिहरुले कार्यक्रमबाट लक्षित समुदायका लागि अन्यत्तै फाईदा पुग्ने विश्वास व्यक्त गरे ।, गैरसरकारी संस्था महासंघ काभ्रेका अध्यक्ष कृष्णचन्द्र आचार्य, छत्रेबाँझ गाविस सचिव सूवर्ण श्रेष्ठ, पत्रकार महासंघ काभ्रेका उपाध्यक्ष नवराज बजगाई, उपभोक्ता मञ्च काभे्रेका अध्यक्ष रमेश हुमागाई, संस्थाका अध्यक्ष शिव अधिकारी लगायतले  कार्यक्रम प्रभावकारी देखिने विश्वास गरे ।

संस्थाले  डराउनेपोखरी, खनालथोक, छत्रेबाँझ, पुरानागाउँ गाविसहरु र जिल्ला विकास समिति काभ्रेपलाञ्चोक अन्तगर्त कार्यक्रम गर्ने काभ्रे शाखा अध्यक्ष भोला थापाले जानकारी दिए ।