रविको पक्षमा नलाग्न नेकपाको निर्देशन

चितवन । पत्रकार शालिकराम  पुडासैनी ‘आत्महत्या’ प्रकरणको बिषयमा अनुसन्धानको लागि पक्राउ गरेका पत्रकार रवि लामिछानेको समर्थनमा हुने कुनै पनि कार्यक्रममा सहभागि नहुन नेपाल कम्युनिस्ट पार्टी (नेकपा ) चितवनले आफ्ना कार्यकर्तालाई निर्देशन दिएको छ ।
नेकपा चितवनले सोमबार एक प्रेस विज्ञप्ति जारी गर्दै उक्त निर्देशन दिएको हो ।

‘पार्टीले एकपत्रकार पुडासैनी मृत्यु प्रकरणमा न्यायलयको निर्णयलाई समेत प्रभाव पार्ने गरी भइरहेको हुलहुज्जत, अराजक गतिविधि साथै नाराहरु परिवर्तनविरोधी भएको विज्ञप्तिमा उल्लेख गरेको छ । विज्ञप्तिमा भनिएको छ नेपाली जनताले लामो बलिदानीपूर्ण संघर्षपछि प्राप्त गरेको लोकतान्त्रिक गणतन्त्रकै विरुद्ध नारा लगाउनु नेपाली जनताप्रतिको अपमान हो । सोही घटनालाई लिएर पार्टीको नेतृत्वविरुद्ध नामै किटेर गरिएको नाराबाजी तथा प्रतिक्रियावादीलाई बढवा दिने गरी भएको ‘धमिलो पानीमा माछा मार्ने’ चलखेल भएकोले पार्टीलाई यस्तो कार्य स्वीकार्य नहुने विज्ञप्तिमा उल्लेख छ ।