पाँचखालमा बडादशै कप हुदै, प्रथमलाई नगद ५० हजार सहित शिल्ड र कप

पाँचखाल-हिन्दुहरुको महान पर्वको अवसरमा पाँचखाल नगरपालिका वडा नं ६ तिनपिप्लेमा रहेको तिनपिप्ले युवा क्लबको आयोजनामा बडादशैं कप फुटबल हुने भएको छ ।

पर्वको समयमा युवाहरुको साथै स्थानियहरुलाई भरपुर्ण मनोरन्जन दिने साथै गैह्र कानुनि कार्यमा (खेलबाड तथा मदिरा सेवन) कोहि पनि नजुटुन भन्ने प्रमुख उद्देश्यका साथ कार्यक्रमको आयोजना गरेको क्लबका अध्यक्ष सरोज धितालले बताउनु भयो ।

अध्यक्ष धितालले थप्नुभयो स्वास्थ्यको लागि खेलकुद, राष्ट्रको लागि खेलकुद, नगरको लागि खेलकुद भन्ने उद्देस्यका साथ ठुलो राषिको पुरस्कार राखि पहिलो पटक खेलको आयोजना गरेको बताउनु भयो । उहँले थप्नुभयो क्लबले जनचेतना मुलक धेरै कार्यहरुको साथै साँस्कृतिक कार्यक्रमहरु गर्दै आएका छौं, विगतमा फुटबलको पनि आयोजना गर्दै आएका थियौं तर ठुलो राषिको पुरस्कार राखेर पहिलो पटक खेलको आयोजना गरेको बताउनु भयो ।

क्लवले यायोजना गरेको खेलमा पहिलो पुरस्कार ५० हजार नगद सहित मेडल र पक र दोस्रो पुरस्कार २५ हजार नगद पुरस्कार सहित मेडल र कप प्रदान गरिने भएको छ । आयोजकका अनुसार पाँचखाल नगरपालिका वडा नं ६ ढुंगानाबेसि स्थित बलराम स्मृति खेलकुद मैदानमा असोज ६ गते सोमबार उद्घाटन गरी अशोज १६ गते समापन हुने जानकारी प्राप्त भएको छ ।