स्वर्गीय ताम्राकारको स्मृतिमा शालिक अनावरण

पनौती ताम्राकार विकुनारायण-पनौती क्षेत्रकै सामाजिक धरोहर स्वर्गीय आशाकाजी ताम्राकार तत्कालीन अवस्थामा प्रत्येक दुःखी गरिबको सहाराको अर्काे नाम हो । पनौतीभन्दा दक्षिणतर्फबाट आफ्नो व्यवसायिक गर्न हुन् वा औषधीमूलो गर्न आएकाहरुका लागि सञ्जीवनी थिए । हो, उनै ताम्राकारको पण्डित रमेश राजोपाध्यायबाट वैद्धिक मन्त्रोउच्चारण गरी आइतबार पनौती–४ मा शालिकको अनावरण गरिएको छ ।

सामाजिक सेवा के हो पनौतीले उहाँबाट सिक्नुपर्ने तत्कालिन अवस्थाका अग्रजहरुको भनाई अहिले पनि उतिकै महत्व राख्छ । स्वर्गीय ताम्राकारकी धर्मपत्नी पञ्चमाया ताम्राकारबाट उक्त शालिकलाई विधिवत् रुपमा सार्वजनिक गरिएको थियो । स्वर्गीय ताम्राकारका जेठा छोरा सत्यनारायण ताम्राकार, माइला छोरा मच्छेनारायण ताम्राकार, कान्छा छोरा लक्ष्मीनारायण ताम्राकार तथा बुहारीहरु चन्द्रलक्ष्मी, सानु र इन्दिरा ताम्राकार साथै छोरी पुण्यलक्ष्मी, पुण्यश्वरी, सानुमाया र तमन्ना सहित उहाँका भाइहरु विश्वराम, विकुनारायण तथा भतिजाहरु जयराम, पुरुषोत्तम लगायतका सम्पूर्ण भाइभतिजहरुको योगदानबाट उक्त शालिकको उपदेहिता माथि प्रकाश पार्दै उहाँले समाजमा पु¥याएको योगदानका बारेमा चर्चा गरिएको थियो । उक्त शालिक पाटनका ख्याति प्राप्त कालिगढद्वारा प्यागोडा शैली निर्माण गरेका थिए ।