तेण्डल हार्डवेयरमा चोरी गर्ने पक्राउ

खुबनाथ दुलाल

बनेपा/व्यापारिक नगरी बनेपामा रहेको तेण्डल हार्डवेयरको काउन्टर फुटाएर चोरी गर्ने एकजनालाई इलाका प्रहरी कार्यालय बनेपालले पक्राउ गरी बिहीबार सार्वजनिक गरेको हो ।हार्डवेयरको काउन्टर फोरेर ९ लाख ४ हजार २ सय ७५ रुपैँया चोरी गरी भागेका चितवन जिल्ला रत्ननगर नगरपालिका वडा नं १ का २७ बर्षीय प्रकाश जंग कुँवरलाई इलाका प्रहरी कार्यालय बनेपाले पक्राउ गरेको थियो ।

इलाका प्रहरी कार्यालय बनेपाका प्रहरी प्रमुख योगेन्द्र तिमिल्सिनाले जनाएअनुसार १ लाख ५० हजार रुपैयाँ समेत बरामद गरेको बताएका छन् । तिमल्सिनाका अनुसार कुँवरलाई पश्चिम नवलपरासीको सुनवल नगरपालिका वडा नम्बर १ डाँडाटोल स्थित साडुदाईको घरमा लुकिछिपी बसेको अवस्थामा पक्राउ गरिएको थियो । हार्डवेयर सञ्चालक सुरेश घिसिङले बिगो खुलाई निज कुँवर विरुद्ध प्रहरीमा उजुरी दिएका थिए । कुँवरलाई अनुसन्धानका लागि जिल्ला अदालत काभ्रेबाट दश दिनको म्याद थप गरेको प्रहरी प्रमुख तिमिल्सिनाले बताएका छन् ।