पारदर्शीता आजको खाँचो

धुलिखेल/आइतबार ट्रान्सपरेन्सी इन्टरनेशनल नेपालले धुलिखेलमा आयोजित सामाजिक जवाफदेहितामा औजार प्रयोग सम्बन्धी नागरिक संस्थाबीचको छलफल कार्यक्रममा सहभागी सबैको एउटै स्वर थियो– आजको आवश्यकता पारदर्शीताको खाँचो बताएका छन् ।

ट्रान्सपरेन्सी इन्टरनेशनल नेपालको नियमित कार्यक्रम अन्तर्गत आयोजित छलफल कार्यक्रममा जिल्लामा क्रियाशील सयौं गैर सरकारी संस्थाहरुमध्येबाट रिमरेक, सामुदायिक सारथी, सेफ हाउस, बालविकास समाज, ग्लोबल नेपाली संघ, जल समाधान तथा विकास केन्द्र लगायतले आफ्ना गतिविधिका बारेमा छलफल गरेका थिए ।

कार्यक्रममाथि प्रकाश पार्दै जिल्ला अधिकृत गंगा लामाले जिल्लामा सयौं संघ संस्था दर्ता भएको तथ्यांक भएता पनि केही संस्थाले मात्र समाजमा आफ्नो उपस्थिति जनाएको जानकारी गराउँदै ति क्रियाशील संस्थाले पनि जनचाहना अनुरुप आफूलाई ढाल्न नसकिरहेको अवस्थामा कसरी सहकार्य गरेर जान सकिन्छ भन्ने नै मूल आशय रहेको प्रष्ट्याउनु हुँदै पुननिर्माणको क्षेत्रमा दरिलो उपस्थितिका लागि आजको छलफलले एउटा निकाश दिने धारणा राख्नुभएको थियो ।
छलफलमा उठेका जिज्ञासाहरुको सामाधन पनि दिनुभएको थियो । कार्यक्रममा गैर सरकारी संस्था र पत्रकारहरु बाक्लो उपस्थिति रहेको थियो ।