लायन्सद्वारा आइसोलेशन किट हस्तान्तरण

गंगा लामा
धुलिखेल/लायन्स क्लब अफ काभ्रे धुलिखेलको समन्वयमा धुलिखेल नगरपालिकाभित्र आइसोलेशनमा रहनेहरुका लागि ५० सेट आइसोलेशन किट एक समारोह बिच शनिबार जोन चियर पर्सन लायन प्रद्युन्न श्रेष्ठले धुलिखेल नगरका प्रमुख अशोक ब्याञ्जुलाई हस्तान्तरण गर्नुभएको थियो ।

उक्त किट हस्तान्तरण गर्दै लायन जोन चियर पर्सन लायन श्रेष्ठको कथन थियो– जबजब समाजमा समस्या आउँछ, तबतब ति समस्याको समाधानका लागि लायन्स सारथी बनेर प्रस्तुत हुँदै आएको उदाहरण प्रशस्तै रहेको बताउनुभएको थियो । आज मुलुकमा कोभिड–१९ ले जुन समस्या निम्त्याएको छ, त्यो समस्याको समाधानका लागि लायन्स अहोरात्र खटिरहेका चर्चा गर्दै कुनै पनि कामको निरन्तरताको आवश्यकता पर्दछ । पछिल्लो समय आइसोलेशनमा बस्नेहरुका लागि आवश्यक पर्ने साबुन, ब्रस, सेनिटाइजर, रुमाल लगायतको प्याकेज तयार गरी वितरण गर्न आइपुगेका छौं भन्नुभयो । यदि थप आवश्यक परेपनि लायन्स सहयोग गर्न तयार रहेको जोन चियर पर्सन लायन श्रेष्ठले आश्वस्त पार्नुभयो ।

सोही समारोहमा लायन्स क्लब अफ काभ्रे धुलिखेलका प्रेसिडेन्ट सन्तोष भोखाजूले व्यक्तिले रुपमा २ सेट सेनिटाइजर प्रयोग गर्ने खुट्टे स्ट्याण्ड नगरपालिकालाई हस्तान्तरण गरेका थिए । उक्त ग्रहण गरिएको स्ट्याण्ड मध्ये एउटा स्ट्याण्ड तत्कालै नगर प्रमुख ब्याञ्जुले धुलिखेल अस्पताललाई प्रदान गर्नुभएको थियो । कार्यक्रममा लायन्स क्लबका पदाधिकारी, समाजसेवी, नगरपालिकाका प्रतिनिधिहरुको रोहवरमा कार्यक्रम सम्पन्न भएको थियो ।

स्मरण रहोस्, लायन्स क्लब अफ धुलिखेलले लकडाउन सुरु भएदेखि नै विभिन्न संघसंस्थाहरुको सहकार्यमा यस्तै किसिमका राहत कार्यक्रमहरु सञ्चालन गर्दै आएको छ ।