यशोधरा गाउपालिकालाई स्वास्थ्य सामाग्री हस्तान्तरण

धनीराम कोरी
कपिलवस्तु/कोभिड–१९ का कारण अस्तव्यस्त स्वास्थ्य अवस्थालाई मध्यनजर गर्दै यशोधरा गाउँपालिकालाई युनाईटेड मिसन टु नेपाल र दलित सामाजिक विकास केन्द्रको संयुक्त प्रयासमा स्वास्थ्य सामग्री एक कार्यक्रमबीच वितरण गरिएको छ ।
युनाईटेड मिसन टु नेपाल र दलित सामाजिक विकास केन्द्रको साझेदारीमा संचालित जीवीकोपार्जन तथा वातावरण सुधारद्वारा समुदायको उत्थानशील सवलीकरण परियोजनाबाट गाउँपालिकाका अध्यक्ष गिरिजेश कुमार पाण्डे र स्वास्थ्य इकाई प्रमुख ज्योति प्रकाश दुवेलाई उक्त स्वास्थ सामाग्री हस्तान्तरण गरिएको हो ।
यशोधरा गाउँपालिकाको वडा नं. १, २ र ३ मा संचालित परियोजनाद्धारा गाउँपालिकाको स्वास्थ्य इकाईलाई दलित सामाजिक विकास केन्द्रका अध्यक्ष रामशरन रैदासले सेनिटाइजर ६० बोतल ५०० एमएल, सर्जिकल मास्क १ हजार पीस, हेण्ड वास ६० पीस, ग्लोब्स १ सय ६० पीस, साबुन ५० पीस र फिनायल ३५ बोतल लगायत स्वास्थ्य सामाग्रीहरु कोरोना भाइरसको समयलाई मध्यनजर गर्दै उक्त महामारीबाट सचेत हुन र समुदायलाई सचेत बनाउनको निम्ति सामाग्री हस्तान्तण गरिएको परियोजना अधिकृत सुमन न्यौपाने र फिल्ड् अधिकृत रमेश कुर्मीले जानकारी दिनुभएको थियो । सोही सन्दर्भमा वडा नं. १, २ र ३ लाई पनि स्वास्थ्य सामाग्री हस्तान्तण गरिने योजना रहेको जानकारी परियोजना अधिकृतले दिनुभएको थियो ।