विद्यालयहरुका लागि स्व–अध्ययन सामाग्री हस्तान्तरण

धनीराम कोरी
कपिलवस्तु । दलित सामाजिक बिकास केन्द्र र युनाईटेड मिसन टु नेपालको सयुंक्त साझेदारीमा संचालित “हाम्रो पहँुच परियोजना” अन्तर्गत यशोधरा गाउँपालिकाका ८ वटै वडामा कक्षा ६ का लागी स्व–अध्ययन सामाग्री एक कार्यक्रमका बिच वितरण गरिएको छ ।
कार्यक्रममा कक्षा ३ मा अध्ययनरत बालबालिकाहरुका लागि अभिभावक सहयोग पुस्तिका पनि सो अवसरमा वितरण गरिएको थियो । आयोजक संस्थाले जनाएअनुसार बालबालिकाहरुलाई घरमा नै सिकाउन सकिने सिकाई क्रियाकलापहरु समावेश गरिएका पाठ्यक्रमहरु यशोधरा गाउँपालिकाको सहकार्यमा २७ वटा विद्यालयहरुमा उक्त पाठ्यक्रम हस्तान्तरण गरिएको छ ।

दलित सामाजिक विकास केन्द्रले जनाएअनुसार यशोधरा गाउँपालिकामा रहेका ३ वटा मा.वि., ५ वटा निमावि, १४ वटा प्रावि र मदरसा लगायत जम्मा २७ वटा बिद्यालयमा अध्ययनरत कक्षा ३ का करिब ६ सय ७० बालबालिकाका साथै कक्षा ६ मा अध्ययनरत करिब ४ सय ८ जना बालबालिका समेत गरी जम्मा १ हजार ७८ बालबालिकाहरुलाई एक÷एक सेट बैकल्पिक शिक्षाका लागि स्व–अध्ययन सामाग्री घरमा नै पढ्न र सिक्न सकिने सिकाई क्रियाकलापहरु समावेश गरिएका पाठ्यक्रमहरु अभिभावकहरुको सहयोगमा बालबालिकालाई घरमा नै पढाउन सकिने सिकाई क्रियाकलापहरुको किताब यशोधरा गाउपालिकाका शिक्षा इकाई प्रमुख अनिल ओझाको सहकार्यमा दलित संस्थाले बितरण गरिएको गाउँपालिकाले जनाएको छ ।

कोभिड–१९ का कारण विद्यालय बन्द रहेको बेलामा विद्यार्थीहरुले उक्त किताव बालबालिकाहरुलाई अभिभावकहरुको सहयोगमा आफैले पढन लेख्न र अभ्यास गर्न सक्ने गरि पाठयक्रमको आधारमा तयार गरिएको कार्यक्रममा बताइएको छ ।
यस समयमा बिद्यार्थीहरु घरमा बस्दै आई रहेका छन । त्यसकारण विद्यार्थीहरुको सिकाई अभ्यास निरन्तरता र बिर्सेका कुराहरुको पुनर्ताजगी र उनीहरुको पढाई नियमित रुपमा होस भन्ने उद्देश्यले यो किताब वितरण गरिएको परियोजना अधिकृत रामकुमार महराले जानकारी दिनुभएको थियो ।

पाठ्यक्रमको प्रयोगको बारेमा प्रत्येक विद्यालयका प्र.अ तथा शिक्षकहरुलाई यशोधरा गाउँपालिकाको सहयोगमा महत्व तथा औचित्यको बारेमा १ दिने अभिमुखिकरण पनि संचालन गरिएको संस्थाका अध्यक्ष रामशरन रैदासले जानकारी दिनुभएको थियो । साथै यस गाउँपालिकाको ५ वटा वडामा ३२ वटा गाउँमा सिकाई केन्द्र संचालन भैरहेका छन् र यसको सहजीकरण गर्ने सहजकर्तालाई पनि उक्त अवसरमा अभिमुखिकरण गरिएको थियो ।
उक्त अवसरमा श्री अनिरुद्ध पब्लिक माध्यमिक विद्यालयको प्र.अ. रामसेवक यादव, श्री कृष्ण धार्मिक माध्यमिक विद्यालयको प्र.अ. रामजियावन यादव, श्री राष्ट्रिय निम्न माध्यमिक विद्यालयका प्र.अ शिव प्रसाद चौधरी र श्री जगन्नाथ निम्न माध्यमिक विद्यालयका प्र.अ. तिलक राम लोहार लगायतका प्र.अ.हरुले उक्त कार्यक्रम समय सापेक्षिक र व्यवहारिक भएको धारणा राख्नुहुँदै यस किसिमका पाठ्यक्रमले बालबालिकाहरुको लागि धेरै सहयोग सिद्ध हुने बताउनुभएको थियो । साथै यस अभियानमा आफूलाई समर्पित गरेकोमा दलित सामाजिक विकास केन्द्र संस्थाप्रति आभार समेत प्रकट गरेका थिए ।