राम जानकी मन्दिरको शिलान्यास

कपिलवस्तु । कपिलवस्तुको महाराजगन्ज नगरपालिका वडा नं. ६ जिगना चौराहामा राम जानकी मन्दिरको संसद अभिषेक प्रताप शाहद्वारा शिलान्यास गरिएको छ ।

कपिलवस्तु निर्वाचन क्षेत्र नं. ३ का संघीय सांसद अभिषेक प्रताप शाहले विजया दशमीका दिन पुजा पाठ गरेर राम जानकी मन्दिरको शिलान्यास गर्नुभएको थियो । विजया दशमी का दिन कुनै पनि शुभ कार्यको सुरुवात गर्नको लागि उत्तम (राम्रो) रहेको हुनले राम जानकी मन्दिरको शिलान्यास सोमबार गरिएको थियो ।

यस वर्ष बिश्व नै कोरोना संक्रमणबाट प्रभावित भएको हुँदा नेपालमा पनि यसको प्रभाव परेको छ । कोरोना भाइरसको संक्रमण बाट आफु बाँचौ र अरुलाई बचाउनका लागि सांसद अभिषेक प्रताप शाहले कार्यक्रममा अनुरोध समेत गर्नुभएको थियो ।

शिलान्यास कार्यक्रममा कपिलवस्तु निर्वाचन क्षेत्र नं. ३ का संघीय सांसद र नेपाल कांग्रेस पार्टीका केन्द्रीय सदस्य अभिषेक प्रताप शाह, प्रदेश सभा सदस्य र सामाजिक विकास समिति का सभापति दीर्घ नारायण पाण्डे, पुर्व समाजवादी पार्टीका केन्द्रीय सदस्य रामवर्ण यादव, महाराजगन्ज नगरपालिका वडा नं ६ का वडा अध्यक्ष हेमन्त कुमार चौधरी, साधुसन्त लगायत अन्य व्यक्तिको उपस्थिति रहेको थियोे ।