समुदायको मौलिक जाति, भाषा, धर्म, संस्कृति र परम्परालाई जिवन्त राख्न रोशी सरकार नचुक्ने : पालिका अध्यक्ष लामा

सृजना तामाङ रोशी/नेपाल बहुजातीय, बहुभाषिक, बहुसंस्कृत, परम्परा र भेषभुषाले सिँगारिएको मुलुकभित्रको फूलबारी हो यहाँ सयौं फूल फुल्छन त्यसको जगेर्ना गर्नु प्रत्येक नागरिकको दायित्व हो भने स्थानीय सरकारले समुदायको मौलिक जाति, भाषा, धर्म, संस्कृति र परम्परालाई जिवन्त राख्नु उसको कर्तव्य पनि भएको रोशी गाउँपालिकाका अध्यक्ष एवं कार्यक्रमका प्रमुख अतिथी डिबी लामाले आज एक समारोहमा बताउनुभएको छ

विगतका वर्ष देखि नै यस मगर समुदायमा उभिएर शुभकामना आदान प्रदान गर्ने अहोभाग्य पाएको र हाम्रो समुदायको मौलिक जाती, भाषा, धर्म, सँस्कृति र परम्परालाई जिवन्त राख्न रोशी सरकार नचुक्ने पालिका अध्यक्ष लामाले बताउनुभएको छ ।
सोही कार्यक्रमको अवसरमा मगर इतिहास र बुद्ध धर्मका ज्ञाता मेधङ्कर भन्तेले धर्म अनुशासन, नियम हो, जुन शाश्वत छ । बुद्ध र मगरको सम्बन्ध जीवन र कलासँग सम्बन्धित रहेको बताउनुभएको छ ।
कार्यक्रममा पालिकाको प्रवक्ता पदम बहादुर लामाले हाम्रो समाज विभिन्न धर्म, सँस्कृतिले सजिएको छ । रोशीमा रहेको पिछडिएको मगर समुदायको उन्नति र विकासका निम्ति आफूहरु अगाडि बढ्ने बताउनु भएको छ ।
नेपाल मगर सँघ तथा नेपाल मगर बौद्ध सेवा समाजको आयोजनामा माघे सकराती (माघ्या) पर्वको शुभकामना आदान प्रदान कार्यक्रम सम्पन्न भएको थियो ।
उक्त कार्यक्रम रोशी गाउँपालिका वडा नं. ९ पानान्चेमा सम्पन्न भएको छ । उक्त कार्यक्रमको अध्यक्षता नेपाल मगर बौद्ध सेवा समाज रोशी ९ का अध्यक्ष लिलाराज चितौरे मगरले गर्नुभएको थियो । उक्त कार्यक्रमका बारेमा संयोजक गणेश बहादुर यस्माली मगरले जानकारी दिनुभएको थियो ।
मगरहरुको इतिहास, भाषा, धर्म, संस्कृति र संस्कार संरक्षणमा सबै एकजुट होऔ भन्ने मूल नाराका साथमा आज देशै भरि माघेसरकाती पर्व मनाइरहेको नेपाल मगर बौद्ध सेवा समाज बाग्मती प्रदेशका अध्यक्ष साधुराम मगरले कार्यक्रममा जानकारी गराउनुभएको थियो ।