महासंघद्वारा आकस्मिक कोषको स्थापना

बनेपा । कोरोना कहरले फ्रन्टलाइन वर्करका रुपमा स्वास्थ्यकर्मी, सुरक्षाकर्मी एवं संचारकर्मीलाई ज्यादा जोखिम रहेको सर्वविदितै छ । रिपोर्टिंगमा अग्रपंक्तिमा खटिने संचारकर्मीको (अपवाद वाहेक) तलब सेवा सुबिधा लगायत गाह्रो सारो अप्ठेरो पर्दा मद्दत लिने बीमा बोनस संचयकोष केहि पनि नहुने र पाएको जागिरको समेत तलब नपाउने सञ्चारकर्मीहरुको समस्यालाई सम्बोधन गर्ने जमर्काे सहित आकस्मिक राहत कोषको स्थापना नेपाल पत्रकार महासंघ काभ्रे शाखाले गरेको अध्यक्ष बद्रीराज तिमल्सिनाले जानकारी गराउनुभएको छ ।

आजको अवस्थामा कोरोनाले पर्ने कुनै पनि असहज परिस्थतिमा पत्रकार साथीहरुलाई थोरै भएपनि राहतको महसुस गराउन सकियोस् भन्ने उद्देश्यले काभ्रे शाखाले रु. ५ लाखको आपतकालीन राहत कोष सुरु गरेको बताउनुभएको छ । यसवाट परिस्थितिजन्य अवस्था हेरी सहयोग गरिने जानकारी गराउँदै कोषको शुभारम्भ आफैंबाट गरौँ भन्ने मनन् गरी उक्त कोषमा रु. १० हजार जम्मा गरी आपतकालीन कोष शुभारम्भ अध्यक्ष तिमल्सिनाले गर्नुभएको थियो । घोषणा भएकै बखतमा प्राप्त भएको रकम अनेरास्ववियु काभ्रे १५ हजार, प्रल्हाद शर्मा हुमागाईं ५ हजार र कविता शर्माबाट १० हजार कोषमा जम्मा भएको सचिव कपिल कोइरालाले बताएका छन् । सहयोगका लागि आपतकालीन राहत कोषको बैंक बिवरण तपसिल बमोजिम रहेको सचिव कोइरालाले बताउनुभएको छ ।

Nepal Patrakar Mahasangh Kavre

A/c:– 1040100007202001

Rastriya Banijya Bank Ltd.

Dhulikhel Branch