मातृशोकमा सम्पादक मैनाली

काभ्रे । पत्रकारिता क्षेत्रमा लामो समयदेखि क्रियाशील वरिष्ठ सञ्चारकर्मी एवं प्रभातफेरी साप्ताहिकका सम्पादक इश्वरी राजकुमार मैनालीलाई मातृशोक परेको छ ।
सोमबार बिहान ११ः३० बजे आमा सरस्वती मैनालीले यो धर्तीबाट बिदा लिनुभएको छ । २००१ सालमा जन्मिनुभएकी मैनालीका ३ छोरा, ३ छोरीमध्ये जेठो सन्तानको रुपमा इश्वरी राजकुमार मैनालीले आफ्नो जिम्मेवारी पूरा गर्दै आउनुभएको छ । हाल भाइ र आमा सर्लाही जिल्लाका बागमती नगरपालिका वडा नं. ५ राजघाट, आत्मपूरमा बसोबास गर्दै आउनुभएको थियो । सोही दुःखद घटनालाई लिएर प्रेस संगठन नेपाल काभ्रे शाखा र नेपाल पत्रकार महासंघ काभ्रे शाखाले शोक विज्ञप्ति जारी गरेको छ ।
दिवंगत आत्माको चिर शान्तिको कामना सहित भावपुर्ण श्रद्धाञ्जली अर्पण गर्दै शोकाकुल परिवारजनमा धैर्य धारण गर्ने शक्ति मिलोस् भन्ने कामना गर्दछौं ।