सिफबाट चार पत्रकार सम्मानित

बनेपा
सामुदायिक उत्थान मञ्च (सिफ) नेपालको १७औं वार्षिक साधारण सभामा काभ्रेका क्रियाशील चार जना पत्रकारहरुलाई सम्मान गरिएको थियो ।
सम्मानित हुनेहरुमा मध्यमार्ग साप्ताहिकका सम्पादक प्रदीप के.सी., नवक्षितिज साप्ताहिकका सम्पादक नवराज बजगाईं, खबरचौतारी साप्ताहिकका कार्यकारी सम्पादक केशवराज पौडेल र चेष्टा साप्ताहिकका कार्यकारी सम्पादक मोतीराम तिमल्सिना रहेका छन् ।
फण्ड बोर्डका अध्यक्ष भूमिनन्द देवकोटाले पत्रकारहरुलाई सम्मान गर्दै अबको संसार चलाउने जिम्मा पत्रकारहरुको रहेको चर्चा गर्दै पत्रकारहरुको कलम नै निकै शक्तिशाली रहेको बताए । गैरसरकारी संस्थाहरुप्रति सरकारले हेर्ने दृष्टिकोण फरक गर्नुपर्ने बताउँदै सिफ नेपालका अध्यक्ष समुद्रलाल श्रेष्ठले गर्नुभएको सामाजिक कार्यको सह्राहना समेत गरेका थिए ।
कार्यक्रममा बनेपा नगरपालिकाका वरिष्ठ राजश्व अधिकृत ध्रुवप्रसाद नेपाल, सामाजिक विकास अधिकृत चिरञ्जीवी अर्याल, पत्रकारत्रय प्रदीप के.सी., नवराज बजगाईं र केशवराज पौडे, हनिएका अध्यक्ष प्रेम लामा, महिला स्वास्थ्य स्वयम्सेविका सरस्वती चौहान, समाजसेवी अमृतमान गोच्छे लगायतले मन्तव्य राखेका थिए ।
स्वागत मन्तव्य योजना श्रेष्ठले गरेकी थिइन् भने यांग्री लामाले वार्षिक प्रगति प्रतिवेदन प्रस्तुत गरेकी थिइन् । कार्यक्रमको सभापतित्व अध्यक्ष समुद्रलाल श्रेष्ठले गरेका थिए । आर्थिक प्रतिवेदन कोषाध्यक्ष गंगा श्रेष्ठले प्रस्तुत गरेका थिए भने संचालन सचिव बलराम अधिकारीले गरेका थिए ।