संक्रमणकालमा सहकारीको साख खस्कन नदेऊ

मुलुकमा यतिखेर तरलता अभाव भएको छ । सोही अभावको कारण आर्थिक कारोवार गर्नेहरुले निर्धक्कका साथ कार्य गर्न पाएका छैनन् । यतिखेर ठुला ठुला बैंकहरुले पनि सहज ढंगबाट सेवाग्राहिहरुको माग अनुसार आर्थिका कारोवार गर्न पाएका छैनन् तरलता अभावका कारण देखाएर आर्थिक कारोवारहरुमा कञ्जुसाई हुँदै गर्दा सेवाग्रहीहरु समस्यामा परेका छन् । वैंकसंग भन्दा सहकारीहरुसंग कारोवार गर्न रुचि राख्नेले गर्दा वैंकमा तरलता जति अभाव छ त्यति समस्या सहकारीलाई छैन । सेवाग्रहीहरु वैंकहरुसंग भन्दा सहकारिमा कारोबार गर्न रुचि राख्ने भएकोले सहकारीहरुलाई सहज भएको हो । यस्तो अवस्थामा जसरी सेवाग्रहीहरुले सहकारीलाई माया गर्दै साथ दिएका छन् त्यसैगरी सहकारीहरुले शेयर सदस्यको हितका कार्य गरेर उनिहरुको मन जित्न जरुरी रहन्छ ।
तरलता अभावबाट संस्था जोगाउने भन्दै शेयर सदस्यहरुलाई कुल बचतको ५ प्रतिशत भन्दा बढी फिर्ता गर्न नसकिने भन्दै केही ठुला सहकारी संस्थाहरु एकजुट भएका छन् । जुन सहकारीहरुको एकताले शेयर सदस्यहरुले धैर्यताको बाँध फुट्ने मात्रै नभई विश्वासको वातावरण गुम्न सक्छ । राष्ट्रिय सहकारी महासंघको अगुवाइमा भएको एक कार्यक्रममा छलफल गर्दै सहकारीलाई ५ प्रतिशतभन्दा बढी बचत भुक्तानी नगर्न अपिल गरेका छन्। यस्तो खाले अपिलले गर्दा शेयर सदस्यहरु झस्किएका छन् । एच्छिक साधारण एवंम् कारोबार बचतको भुक्तानी गर्दा साप्ताहिक, मासिक वा आपसी सहमतिमा भुक्तानी गर्ने व्यवस्था मिलाउन सुझाव दिदै गर्दा सहकारीमा वचत गर्नेहरुको चित्त बुझेको छैन । सहकारी महाँसंघले जुन कार्यको सुरवात गर्ने चाहना गर्यो सो कार्यले सहकारीको निम्ति फाइृदा भन्दा घाटा हुन्छ ।
नेफ्स्कून, राष्ट्रिय सहकारी बैंक, केन्द्रिय संघहरू, जिल्ला संघलगायतका प्रतिनिधिले संयुक्त विज्ञप्ति जारी गर्दै बचत फिर्तामा कडाइ गर्दै गर्दा वचत कर्ताहरुले विकल्पको मार्ग पहिल्याउने सुनिश्चित छ । शेयर सदस्यहरु तथा वचत कर्ताको समस्याको वारेमा चासो नराखी गर्न लागेको कार्यले गर्दा सहकारीहरु प्रति जनताले हेर्ने दुष्टिकोण नकारात्मक हुन सक्छ । विगतमा सहकारीहरुले जनताको मन जित्न सफल भएकोले गर्दा सहकारी फस्टाएको हो । पछिल्लो समयमा आएर केही सहकारीहरु शेयर सदस्यको रकम हिनामिना गर्दै भागेर सहकारी प्रति हेर्ने दृष्टिकोण नकारात्मक हुँदै गरेको अवस्थामा वचत फिर्तामा कडाई गर्दा थप समस्या सुनिष्चित रहन्छ ।
संस्थाको शेयर खरिद गरेर नगद लाभांश लिने प्रमुख इक्छाले संस्थाको शेयर खरिद गरेको हुन्छ । तर संस्थाले लाभाँस नगदमा वितरण नगर्ने योजिनाले गर्दा शेयर सदस्यहरुले शेयरलाई प्राथमिकता नदिनु हो । वित्तीय अवस्थाको अध्यावधिक विवरण (वासालात÷नाफा नोक्सान खाता÷नगद प्रवाह विवरण आदि) सम्बन्धित निकायहरू र सदस्यले हेर्ने र बुझ्ने तरिकाबाट प्रकाशन गर्ने भन्ने योजना सकारात्मक हो । यस्ता सकारात्मक योजनाको साथमा शेयर सदस्यहरुको मन जित्ने ढंगको कार्य गर्दै सहकारी संस्थाहरुको साख खस्कने ढंगको कार्य गर्न जरुरी रहन्छ ।