तीज

सिन्धु पौडेल

म यतिबेला फेसबुक र युट्युवमा रमिता हेर्दैछु तीजको,मेरो हजुरमुवा,र आमा फूपू काकी हरुले तीज देखेर आँखा छोप्न्नु हुन्छ ,लाजले पनि लाज मान्ने अबस्था आएको छ । धनाड्य र सौखिन परिवारका दिदी बहिनिहरु तीज मान्न एक महिना अगाडि देखि पाँचतारे होटल बुक गरेर नाचगान। साथै अहो खानाको परिकार र घाँटीमा गहनाको बजार लाएर अश्लिल डान्स त्यहि पनि हिन्दी गीतहरुमा। के यहि हो हाम्रो सँस्कृत्ति? हजुरमुवा र आमाहरुले दिनुभएको सँस्कार , यसो भन्दै गर्दा तपाईंहरुलाई लाग्ला कि यस्ले सधैं – सधै दुखकै गीत गाउनु पर्छ भनी। मेरो मनसाय त्यो हैन, सभ्य,समाजमा पच्न सक्ने सबैले पचाउन सक्ने मात्र गर्नुहोस। तपाईंहरुको मपाईत्व र पैसाको घमण्डले अनि पाँचतारे होटलमा लगाउने भोजले के तपाईंहरुलाई लाग्दैन ,त्यहि होटल बाहिर बसेर एकछान खान कचौरा थापिरहेका भोको पेट र गाउँ बस्तिका गरिव हरुलाई गिज्याउँदै र तिनिहरुको गरिविको खिल्लि उडाएको छु जस्तो? तपाईंहरुको एकछिनको कुकुरे डान्स र टु पिस लाएर टिक टकमा नाँच्दै गरेकि यौटि सोह्र ,सत्र बर्षे यौवनाको यस्ता हर्कत हरुले तिजको सभ्यता र मर्यादा लाई कतातिर लैजादै छ? केही हेक्का छ । म ईजरायल बसेको १२बर्ष भयो यिनिहरुले पनि मनाउँछन् आफ्नो चाडवाड, खै आफ्नै सँस्कृतिलाई पछ्याउँदै मनाएको देख्छु।कसैले पनि नाङ्गै भएर टु पिसमा डान्स गरेको पनि देखिदैन,कोहि कुकुरे डान्स गरेको पनि देखिदैन। कहिँ नभाको जात्रा हाँडिगाँउमा, के देखाउन र सिकाउन खोजेको होला चाडवाडको नाउँमा आउने आफ्नो पिढिँहरुलाई। झन् हाम्रो नेपाल त हरेक जात- जाती , भाषा धर्म रआ- आफ्नो सँस्कृत बोकेर बाँच्ने सुन्दर फूलहरुको बगैचा हो , सबैले सबैको धर्मलाई रेस्पेक्ट गरेर हिड्ने समय हो, आफ्नै देशभित्र यति धेरै सँस्कृत हुँदा हुँदै पनि,बिदेशि सँस्कृति भित्र्याएर कुकुरे डान्स र टु पिसे डान्स हरु हेर्दा लाजले पनि लाज छोपेर र घिनले पनि भमिट गरेर हिड्ने बेला भयो। त्यसैले मोर्डन फेमिनिस्ट हरु पिल्ज तिज लाई तिज जस्तै सभ्य बनाउन सहयोग गर्नुस यदि सक्नु हुन्न भने यस्ता हर्कत गरेर चाडपर्व लाई असभ्य पनि नवनाउनुस।