लिपुलेक, लिम्पियाधुरा र कालापानी

केशवराज भट्ट सागर
पाटन १०, बैतडी

भारतले चीन जोड्ने सडक निर्माण गरेको लिपुलेक, लिम्पियाधुरा र कालापानी सडक निर्माण भइरहेको छ । यस विषयमा कुनै पहल नहुँदाको अवस्थामा नेपाल झुकेको छ । कालापानी र लिपुलेक भूभाग पर्ने व्यास गाउँपालिका महाकाली तारेर भारतीय पक्षले निर्माण सामग्री र उपकरण नेपाली भूमिमा ल्याएपछि नेपालीले समस्या भोगिरहेको छ । त्यसैले आज लिपुलेक रोएको छ ।
सरकारले सडक निर्माण रोक्न कुनै पहल नगरेको बेला ठूलो संकट निम्त्याउने सम्भावना भएको छ । नेपाली भूमिमा भारतले बाटो बनाइरहेको थाहा नभएको होइन, नेपाल–भारत सीमा विवाद हुँदा त्यो रोक्न भारतसँग पटकपटक संघर्ष गरेको थियो । त्यसकारण आज कालापानी सुस्ताएको छ ।
ढुंगामाटो महाकालीमा भारतले सडक बनाउँदा विष्फोटक पदार्थ प्रयोग गरेको र त्यस क्रममा निस्किएको ढुंगामाटोका कारण अहिले टिङ्कर र छाङ्रु गाउँ जान पनि समस्या भएको छ। यसकारण नेपाली सहिदले बगाएको रगतको मूल्य घटेको छ ।
जसको निम्ति नेपालीले एकजुट भएर गोर्खालीको साहस प्रयोग गरेर एकता कायम गरेपछि हाम्रो लिपुलेक, लिम्पियाधुरा र कालापानी हाम्रो शान बन्ने छ । हामी गर्बका साथ लिपुलेक, लिम्पियाधुरा र कालापानी हाँसेको देख्नेछौँ ।