निर्वाचन आयोगको स्वागत योग्य कार्य

निर्वाचन आयोगले वैदेशिक रोजगारीमा गएका नेपालीहरू तथा मत दिन नचाहने मतदाताहरूलाई लक्षित गरी मस्यौदा तयार गरेको छ । जुन कार्य नेपाली जनताको हितको खातिर रहेको छ । नेपालमा निर्वाचन हुँदै गर्दा वैदेशिक रोजगारीमा रहेका नेपालीहरूले आफ्नो देशका नेतृत्वहरू चयन गर्ने अवसर प्राप्त नहुँदा निकै चिन्तित देखिन्छ । पछिल्लो समयमा निर्वाचन आयोगले विदेशमा रहने नेपालीहरूले मतदान गर्ने अवसर पाउने गरी मस्यौदा तयार गर्दै गर्दा सो कार्यलाई स्वागत योग्यको संज्ञा दिएका छन् । त्यसैगरी कुनै मतदातालाई उम्मेदवार मन नपर्दा नो भोटको व्यवस्था नेपालमा नहुँदा मतदाताहरूले मन खुम्च्याउँदै मतदान गर्ने वा खाली मत दिन बाध्य भएका थिए ।
आयोग बैठक निर्वाचन कानुनको मस्यौदा सरकारलाई पठाउने निर्णय गरेसँगै नेपाली जनताहरू दर्शित भएका छन् । कानुनमा ‘नो भोट’‚ विदेशमा रहेका नागरिकलाई मताधिकार‚ निर्वाचनमा ३३ प्रतिशत महिला उम्मेदवार लगायतका नयाँ प्रावधानलाई सकारात्मक सन्देश दिएको छ । आयोगको नयाँ मस्यौदामा प्रतिनिधिसभा र प्रदेशसभा निर्वाचनका लागि उम्मेदवारी दिँदा दलहरूले ३३ प्रतिशत महिला उम्मेदवार अनिवार्य उठाउनुपर्ने व्यवस्था लाई कडाइका साथ लागू गर्ने भएको छ ।
मस्यौदामा उल्लेख भएको छ‚ ‘कुनै मतदाताले कुनै पनि उम्मेदवारलाई निजको समर्थन नरहेको भनी मतदान गर्न चाहेमा आयोगले कुनै पनि उम्मेदवारलाई समर्थन नरहने गरी मतदातालाई तोकिएबमोजिम मतपत्रमा मतदानको व्यवस्थाको तयारी गरेको छ । त्यसैगरी लगातार दुईपटक भन्दा बढी समानुपातिक सांसद बन्न नपाइने व्यवस्थाले गर्दा अवसर सँधै एकैठाउँमा केन्द्रित रहने ढङ्गको व्यवस्थाले थप सकारात्मक सन्देश दिएको छ ।