भोटेकोशी बाढीमा ज्यान गुमाएकाको सम्झनामा आज राष्ट्रिय शोक

रसुवा /भोटेकोशी नदीमा भदौ १० गते आएको विनाशकारी बाढीमा परी ज्यान गुमाएका व्यक्तिहरूको सम्झनामा आज देशभर राष्ट्रिय शोक मनाइँदै छ। मृतकप्रति सम्मान प्रकट गर्न नेपालभरका सरकारी कार्यालय तथा विदेशस्थित नेपाली दूतावास र नियोगहरूमा राष्ट्रिय झण्डा आधा झुकाइनेछ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार बाढीमा परी हालसम्म १ हजार ३४२ जनाको मृत्यु भएको छ भने ४ हजार ९९६ जना अझै सम्पर्कविहीन छन्। त्यस्तै, ६ हजार ८३ जना घाइते भएका छन्।

खोज, उद्धार तथा राहत कार्यमा २१ हजार ४६५ सुरक्षाकर्मी परिचालन गरिएको छ भने बाढी प्रभावित क्षेत्रबाट १३ हजार ३९१ जनाको उद्धार गरिएको प्राधिकरणले जनाएको छ।