चण्डेश्वरीको २० औं साधारणसभा

बनेपा÷चण्डेश्वरी बचत तथा ऋण सहकारी संस्था लि.को २० औं वार्षिक साधारणसभा हिजो शनिबार सम्पन्न भएको छ ।
बनेपामा भएको उक्त साधारण सभाको संस्ताका सल्लाहकार आशाकाजी सेवकको प्रमुख आतिथ्यतामा भएको थियो । कार्यक्रममा संस्कृतिविद् ज्ञानकाजी मानन्धर, बाल संगठनका अध्यक्ष रामकुमार मुल्मी लगायतले चण्डेश्वरी सहकारीले समाजमा पु¥याएको सहयोग र भावि दिनमा सहभागीले गर्नुपर्ने कामको बारेमा चर्चा गरेका थिए ।

कुल ४ हजार ३ सय १७ जना शेयर सदस्य रहेको सहकारीको शेयर पुँजी ४ करोड ४२ लाख ७० हजार पाँच सय रहेको छ । त्यस्तै बचत निक्षेप २२ करोड ८७ लाख ३१ हजार ६ सय ७५ रहेको छ भने ऋण लगानी तर्फ १६ करोड १० लाख २५ हजार ५१ रुपैंया र असुली तर्फ १५ करोड ३८ लाख, ३९ हजार ६ सय ३७ रुपैंया असुली गर्न सफल भएको छ । यस संस्थाको आव ०६८÷६९ को कुल वासलात ३३ करोड ४३ लाख ६६ हजार १ सय ६ रुपैंया बराबरको रहेको छ ।
कार्यक्रममा उत्कृष्ट ऋणी, न्हुच्छेमाया मानन्धर, उत्कृष्ट घरदैलो नियमित बचतकर्ता सृजना रंजित कायस्थ, उत्कृष्ट नियमित बचत संगिता श्रेष्ठ, उत्कृष्ट नाबालक नियमित बचत आर्यन शाक्य, उत्कृष्ट लघुवित्त नियमित बचत रीता सुवाल, उत्कृष्ट चण्डेश्वरी बचत सुनमाया प्रजापति र उत्कृष्ट कर्मचारी सेवापदक शान्ति रंजितलाई पुरस्कृत गरिएको थियो ।
चण्डेश्वरी बचत तथा ऋण सहकारी संस्था लि. का सचिव बुद्धरत्न मानन्धरले सचिवको वार्षिक प्रगति प्रतिवेदन, कोषाध्यक्ष नविनभक्त वादेले वार्षिक प्रतिवेदन पेश गरिएको कार्यक्रममा संस्थाका उपाध्यक्ष विकास वादेको सभापतित्वमा सम्पन्न भएको थियो भने संचालन संस्थाका प्रबन्धक बद्रिनाथ वादेले गर्नुभएको थियो ।