पाँच विद्यालयहरुलाई आर्थिक सहयोग

धुलिखेल÷आफूले सहजीकरण गरेका बालअधिकार चेतना समूह रहेका काभ्रेका पाँच ओटा सरकारी विद्यालयलाई अनौंपचारिक क्षेत्र सेवा केन्द्र (इन्सेक) ले आर्थिक सहयोग गरेको छ ।
इन्सेकका काभ्रे प्रतिनिधि भोजराज तिमल्सिनाद्वारा हस्तान्तरण गरिएको आर्थिक सहयोग प्रत्येक विद्यालयलाई ५ हजारका दरमा उपलव्ध गराएको हो ।
विद्यालयमा बाल– समूहहरूको आवश्यकतालाई ध्यानमा राख्दै विद्यालयको धारा, शौचालय मर्मतसुधार एवं चेतनासमूहका लागि आवश्यक सामाग्री खरिद गरी सहयोग गर्नका लागि विद्यालयकै खातामा जम्मा गर्ने गरी उक्त सहयोग गरिएको थियो ।
सर्वमंगला उच्च मावि पाँचखाल, जोरपाटी मावि तिनपिप्ले, सिर्जनशिल जनता उच्च मावि मादनकुडारी, जागृती उच्च मावि पोखरीचौरी र ज्ञानेश्वरी मावि अनैकोटमा इन्सेकले बालअधिकार चेतना समूह गठन गरेको छ ।
सरकारी विद्यालयमा गठित बाल समूहहरूले बाल भित्ते पत्रिका प्रकाशनको अलावा व्यक्तित्व विकास, बाल अधिकार संरक्षण, सचेतना, दबावमूलक र सामाजिक क्रियाकलाप गर्दै आएका छन् । कार्यक्रम संचालित विद्यालयमा हरेक वर्ष मानवअधिकारसम्वन्धि सचेतन कक्षा, तालिम, विद्यालय तथा जिल्लास्तरिय प्रतियोगिता र अन्र्तक्रियाहरू हुनेछन् ।
सर्वमंगला उच्च मावि पाँचखालमा संगिता तिमल्सिनाको अध्यक्षतामा १५ सदस्यीय, जोरपाटी मावि तिनपिप्लेमा शक्ति परियारको अध्यक्षतामा ११ सदस्यीय, सिर्जनशिल जनता उच्च मावि मादनकुडारीमा प्रकाश पन्तको अध्यक्षतामा १५ सदस्यीय, जागृती उच्च मावि पोखरीचौरीमा सुशिला कोइरालाको अध्यक्षतामा १७ सदस्यीय र ज्ञानेश्वरी मावि अनैकोटमा कविता तामाङको अध्यक्षतामा १३ सदस्यीय बालअधिकार चेतना समूहहरू समेत गठन गरिएको थियो ।