अन्तरबैंक कप रनिङ शिल्ड प्रतियोगिता

बनेपा÷आगामी कात्र्तिक ५ गतेदेखि काभ्रेमा रहेका बैंकहरुको अन्तरसम्बन्धलाई अझै सुमधुर बनाउने उद्देश्यले अन्तरबैंक कप रनिङ शिल्ड फुटबल प्रतियोगिता हुने भएको छ ।
प्रतियोगिता जन आन्दोलन २०६२÷६३ जिउँदो शहिदको रुपमा परिचित मुकेश कायस्थको सम्मानमा हुने भएको छ । बनेपा स्थित नेपाल बनेपा पोलिटेक्निक खेलमैदान तथा लायकु चोकमा हुने प्रतियोगिताले मुकेशको योगदान बिस्तारै बिर्सन थालेकाले त्यसलाई उजागर गर्न कोशेढुंगा हुने आयोजक समितिका संयोजक तथा नेपाल खेलकुद महासंघ काभ्रेका अध्यक्ष रघुवर चौ प्रधानले बताएका छन् ।
सोहि समयमा खेलकुद महासंघ काभ्रेले अन्य खेलहरु अन्तर विद्यालय शिक्षक भलिबल, तेक्वान्दो आईटीएफ डिमोस्ट्रेसन समेत गर्ने तयारी गरीरहेको अध्यक्ष प्रधान बताए । प्रतियोगिताका लागि प्रायोजक, सह–प्रायोजकका लागि बिभिन्न संघ संस्था तथा व्यवसायीहरुसँग सहकार्य गर्न लागेको समेत उनले जानकारी दिए ।
प्रतियोगितामा सहभागि हुन चाहने बैंकहरुले प्रति टिम बराबर रु. १० हजार तिरेर प्रतियोगितामा सहभागि हुन सक्नेछन् । प्रतियोगितामा प्रथम, द्वितिय, तृतीय र सान्त्वना स्थान हुनेहरुलाई नगद पुरस्कार, मेडल तथा शिल्डको व्यवस्था गरीएको आयोजक समितिले जनाएको छ ।