धुम्रपानबाट किशोरकिशोरी प्रभावित

धुलिखेल÷स्वास्थ्य शिक्षा सूचना तथा संचार सम्बन्धि एकदिने वकालत कार्यक्रम सकिएको छ ।
कार्यक्रममा धुम्रपान सम्बन्धी कार्यपत्र प्रस्तुत गर्दै स्वास्थ्य शिक्षा प्रशासक गंगाराम अर्यालले सुर्तीजन्य पदार्थबाट २० देखि ३० वर्षका किशोरकिशोरीहरु बढी प्रभावित रहेको पाइएको जनाए ।
२०६८ मा नेपाल सरकारले सुर्तीजन्य पदार्थको नियन्त्रण र नियमन गर्ने सम्बन्धमा व्यवस्था गर्न ऐन लागू गरेपनि चुरोट कारखानाहरुले सर्वाेच्च अदालतमा मुद्दा हालेकाले कानूनै लङ्गडो भएको कुरा प्रशासक अर्यालले प्रष्ट्याएका थिए ।
कार्यक्रममा प्रजनन स्वास्थ्य सम्बन्धि निर्मला शाक्यले कार्यपत्र प्रस्तुत गर्दै २००१ देखि २००६ सम्म मातृमृत्युदर बढेकोमा २००६ मा घटेको तथ्यांक प्रस्तुत गरेकी थिइन् । अहिले ५८ प्रतिशत महिलाहरुले दक्ष स्वास्थ्यकर्मीहरुबाट सुत्केरी भएका छन् र शिशु मृत्युदर प्रतिहजारमा ४६ रहेको छ भने बच्चा जन्मेको २४ घण्टामा नुहाउनु पर्छ साथै जन्मेको १ घण्टामा बच्चालाई आमाको बिगौरी दूध चुसाएमा बच्चा स्वस्थ हुने शाक्यले थपिन् ।
सोही अवसरमा पत्रकार दिपक दाहाल, जिल्ला स्वास्थ्य कार्यालयका प्रमुख डा. अर्जुन सापकोटा लगायतले स्वास्थ्यका विषयमा आफ्नो धारणा राखेका थिए भने कार्यक्रम स्वास्थ्य संचार तथा अनुसन्धान केन्द्रले आयोजना गरेको थियो ।