‘महिलालाई खतरा पुरुषबाट होइन महिलाबाटै छ ।’

प्रस्तुति : सागर ÷ आयूषा

(शीतल के.सी., नायक)

० हाल के गर्दै हुनुहुन्छ ?
हाल म ‘म तिम्रो हुन सकिँन’ फिल्ममा व्यस्त छु । यसको निर्देशक अनिश कोइराला हुनुहुन्छ । नायिकामा अस्मिता बस्नेत हुनुहुन्छ, भने अन्य कलाकारहरु सबैजना नयाँ नै हुनुहुन्छ ।
० तपाइको तत्काल रिलिज हुन लागेको कुनै फिल्म ?
सन्तोष बराइलीले निर्माण गर्नुभएको ‘एक्सिडेण्ट’ फिल्म रिजिलको क्रममा छ ।
० अरु कुनै नयाँ बन्न लागेको फिल्ममा पनि अनुबन्धित हुनुभएको छ कि ?
राजु लामाले निर्देशन गर्न लाग्नुभएको ‘मोहनी’ फिल्म जसको सुटिङ यहि माघ १५ गतेदेखि शुरु हुँदैन । त्यसमा मेरो पनि अभिनय रहनेछ भने निर्माण स्रोतले दिएको जानकारी अनुसार यस फिल्ममा नायक निखिल उप्रेतीको पनि अभिनय रहनेछ ।
० के तपाइलाई कला क्षेत्रपट्टि सानैदेखि आकर्षण थियो ?
आकर्षित हुनु एउटा कुरा हो, फिल्म गर्न पाउनु अर्काे कुरा हो । मिडियामा आफ्नो अनुहार देखाउँ भन्ने चाहना त सबैको हुन्छ र मेरो पनि थियो तर मिडियालाई नै आफ्नो पेशा बनाउँछु भन्ने सोचाइ म मा थिएन ।
० कसरी तपाइ फिल्म लाइनमा प्रवेश गर्नुभयो ?
बुटवल कलेज पढ्दा धेरै साथीहरुले ‘तिमी मोडलिङ गर, तिम्रो शारिरीक बनावट मोडलको जस्तै छ’ भनेर जिस्काइ रहन्थे । एकदिन त्यही बुटवलमा एउटा फिल्म निर्माण गर्ने र स्थानिय कलाकारहरुले अभिनय गर्ने भन्ने निर्णय भयो । सबै साथीहरुले ‘तिमीलाई सुहाउँछ तिमी फिल्म खेल’ भनेर धेरै आग्रह गरे । मैले पनि गरौं न त भनेर फिल्म लाइनमा प्रवेश गरेको हुँ ।
० तपाइलाई लाखौं दर्शकमाझ शीतल केसी भनेर चिनाउने फिल्म कुन हो ?
मैले अभिनय गरेको पहिलो फिल्म ‘जाल’ हो । यो फिल्मलाई पनि दर्शकहरुले मन पराउनुभयो । त्यसपछि दिवानापन, मेरो राजेश दाई, त्रिदेव.. इत्यादि फिल्महरु पनि सफल फिल्महरु नै हुन् ।
० मेरो राजेश दाई फिल्ममा तपाइको अनुहार राजेश हमालसँग मिल्ने भएर दाजुभाइ जस्तो देखाउन यो फिल्ममा तपाइलाई खेलाइएको भन्छन् नि ?
मेरो अनुहार राजेश हमालसँग मिलेर भएर होइन कि फिल्मको कथाको पात्रमा मलाई सुहाएको भएर लिइएको हो । नत्र त सबै फिल्ममा म राजेश हमालको भाइ भइहाल्थें नि ।
० तपाइलाई धेरै दर्शकहरु राजेश हमालको डुब्लिकेट भन्छन् नि ! तपाइलाई कस्तो लाग्छ ?
२५ वर्षसम्म निरन्तर रुपमा नेपाली चलचित्र क्षेत्रमा क्रियाशील महानायक राजेश हमालसँग मेरो तुलना गर्दा मलाई गर्वको महसुस हुन्छ तर पनि म आफ्नो छुट्टै पहिचान र अस्तित्व बनाउन चाहन्छु ।
० एकपटक हाँस्य टेलिश्रृंखला तीतोसत्यमा राजेश हमाल आउने भनेर प्रचार गरियो र अन्त्यमा तपाइलाई देखाइएको । यसमा तपाइको के प्रतिक्रिया छ ?
तीतोसत्यमा राजेश हमाल आउने भनेर मलाई देखाइयो तर दर्शकहरुले के कुरा बुझ्नु भएन भने त्यहाँ मलाई यूवा अवस्थाका राजेश हमाल भनेर देखाइएको थियो ।
० अहिले नेपाली फिल्म बन्ने क्रम तीव्र छ तर व्यावसायिक सफलता एउटा वा दुईवटा फिल्ममले मात्र पाउँछन् किन ?
यो समस्या हाम्रो देशमा मात्रै होइन कलिउड, बलिउडको अवस्था पनि उस्तै छ । वर्षमा डेढ दुईसय वटा फिल्म निर्माण हुन्छन् तर सफलता दुईचारवटा फिल्मले मात्र पाउँछन् । बिसै जना दौडियता पनि पहिलो दोस्रो र तेस्रो त एकएक जना मात्र हुन्छन् नि हैन र ?
० अहिले दिपकराज गिरीले निर्माण गरेको छ एकान छ फिल्मले राम्रो व्यापार गरेको छ र अधिकांश हलहरुमा दोस्रो हप्तामा चलिरहेको छ । यो फिल्मको सफलतालाई तपाइ कुन नजरले हेर्नुहन्छ ?
राम्रो फिल्म निर्माण ग¥यौं भने जसले गरे पनि फिल्म सफल हुन्छ भन्ने उदाहरण हो यो । सबैजना हाँस्य कलाकारहरु एकजुट भएर एउटौ फिल्ममा नायक भएर अभिनय गर्नु आफैमा गर्वको विषय हो । यसबाट धेरैले शिक्षा लिनुपर्छ ।
० तपाइ अविवाहित हुनुहुन्छ । विवाहको विषयमा के सोचाइ छ ?
जन्म, मृत्यु र विवाह आफ्नो वशमा हुँदैन जस्तो लाग्छ । एकदुई वर्ष भित्रैमा विवाह हुन पनि सक्छ, आठदश वर्षसम्म पनि विवाह नहुन पनि सक्छ ।
० अहिलेसम्म कुनै केटीसाथीलाई मनमा सजाउनुभएको छ कि ?
मेरो कुनै केटी साथी छैन ।
० फुर्सदको क्षणमा के गर्नुहुन्छ ?
पत्रपत्रिका तथा पुस्तक पढ्छु ।
० तपाइले हालसालै पढ्नुभएको पुस्तक कनु हो  ?
हरिवंश आचार्यको ‘चिना हराएको मान्छे’ ।
० आफूले खेलेको फिल्म हेर्दा तपाइलाई कस्तो महसुस हुन्छ ?
आफ्नो कमी कमजोरी थाहा हुन्छ । मैले यो भन्दा राम्रो गर्नुपथ्र्याे जस्तो लाग्छ ।