एमाओवादी काभ्रेको नेतृत्वमा पुनः गौतम

बनेपा ÷ एकीकृत नेकपा माओवादी काभ्रेले लामोसमयदेखि रिक्त रहेको पदाधिकारी तथा भूगोलबाट छानिने १३ जना मनोनित गर्दै आइतबारदेखि जारी बैठक बुधबार सकिएको छ ।
लामो छलफल र बहसपछि अन्तत एकीकृत नेकपा माओवादीको नेतृत्व पुनः दिवानाथ गौतमलाई नै गरेको छ । पूर्वसेक्रेटरी गंगाबहादुर दोङ्गले अध्यक्षमा आंकाक्षा राखेपनि बहुमत सदस्य गौतमको पक्षमा देखेपछि दोङ्गले गौतमलाई नै समर्थन गरेको एक जिल्ला सदस्यले मध्यमार्गलाई बताए ।
त्यसैगरी, जिल्ला कमिटीको उपाध्यक्षमा अक्कलबहादुर थिङ्ग, सचिवमा इन्द्रबहादुर थिङ्ग, कोषाध्यक्षमा सरस्वती लामा र सहसचिवमा ज्ञानसागर लामा सर्वसम्मत चयन भएका छन् ।
वैठकले भूगोलका आधारमा १३ जना मनोनित गरेको छ । जसमा कमला दोङ्ग, ध्रुव काफ्ले, सरोज कुइँकेल, गीता पुरी, सुन्तली तामाङ, सरिता शाही, मिनबहादुर लामा, तारा गौतम, दुर्गासिं लामा, जनक भण्डारी, रमेश ढकाल, जीवन नकर्मी र प्रेमबहादुर सुनुवार जिल्ला कमिटीमा मनोनित भएका छन् । यसअघि, बैशाख १४ गते भएको अधिवेशनले ३८ जना जिल्ला कमिटि सदस्य निर्वाचित गरेको थियो ।