संचारकर्मीसँग धुलिखेल नगरपालिका

धुलिखेल/धुलिखेल नगरपालिकाका नव निर्वाचित जनप्रतिनिधिहरुले नेपाल पत्रकार महासंघ काभ्रे शाखासँग नयाँ संविधानले व्यवस्था गरे अनुसार कानुन निर्माणमा संचार सम्बन्धि नितीका बारे छलफल गरेका छन् ।
कार्यक्रममा नगरप्रमुख अशोक व्याञ्जुले आगामी दिनमा निति, कार्यक्रम तथा बजेट तय गर्न संचारकर्मीहरुको धारणा बुझ्न कार्यक्रम आयोजना गरिएको बताए । उनले संचार क्षेत्रको मात्तयमबाट नगरको विकासमा जोड दिने धारणा राखे ।
संचारकर्मीका लागि कस्ता निति आवश्यक पर्छ सो विषयमा रही संचारकर्मी तथा पत्रकार महासंघ काभ्रेको धारणा व्याञ्जुले संकलन गरेका थिए । उनले शिक्षा, कृषि, संचार जस्ता विषयमा ऐन विषय मैत्री बनाइने बताए ।
कार्यक्रममा पत्रकार महासंघ काभ्रेका अध्यक्ष मोतिराम तिमल्सिना लगायत जिल्लाका क्रियाशिल संचारकर्मीहरुले आ–आफ्ना धारणा राखेका थिए ।