ओएस नेपाल म्युजिक अवार्ड द्वारा सम्मानित – पुजा

चर्चित गायिका पूजा सुनुवार लोकप्रिय अनलाइन मिडिया ओएस नेपाल द्वारा आयोजित ओएस नेपाल म्युजिक अवार्ड-२०७४ बाट सम्मानित भएकी छिन्। काठमाडौ शहर… बोलको गीत बाट सर्वोकृष्ट आधुनिक गायिकाको विधामा उत्कृष्ट पाँचमा पर्दै नोमिनेशन हुन सफल गायिका पूजाले पपुलर पब्लिक भोटिङको आधारमा यो अवार्ड जितेकी हुन् ।

गत शुक्रवार आर्मी अफिसर्स क्लब,काठमाडौमा आयोजना गरिएको अवार्ड वितरण कार्यक्रममा गायिका सुनुवारलाई सम्मान गरिएको हो । गायिकाले भर्खरै बजारमा ल्याएको काठमाडौ शहर…बोलको गीत पछिल्लो समय निकै चर्चित छ। उनको अनुसार संगीत विषयको लामो अध्ययन,साधना र मेहनत पछि गत साल मात्रै “नजर” नामक एकल गीति संग्रह मार्फत औपचारिक रुपमा नेपाली संगीत सागरमा होमिएकी पूजाले छोटो समयमै प्रतिष्ठित अवार्ड जित्न सफल भएकीछिन्।उसो त पूजा सुनुवारका गीतहरु प्राय सबै चर्चामानै रहेका छन् ।

यसरी चर्चा कमाउदै आएकी पुजाको पछिल्लो गीत काठमाडौं शहर…ले भने उनलाई यो अवार्ड दिलाउन सफल रह्यो । गायिका पूजालाई अवार्ड दिलाउन सफल काठमाडौ शहर…गीतमा वरिष्ठ गीतकार योगेन्द्रमणि दाहालको रचना र वरिष्ठ संगीतकार सुनिल मास्केको संगीत रहेको छ।केही महिना अगाडि मात्र बजारमा आएको उक्त गीतको भिडियोमा चर्चित नायिका बेनिशा हमाल र मोडल निराजन प्रधानको अभिनय हेर्न सकिन्छ।