बि.सं.२०७४ साल भदौ २६ गते सोमवारको राशिफल

मेष राशिः
मेष राशि हुनेहरुको लागि आज दिन केही बाधा अबरोधको बाबजुतपनि उमङ्गिलो एवम् कामकार्यमा रुचि बढ्ने खालको दिन रहेको छ । आर्थिक कार्यक्षेत्र तथा पेशाबाट लाभहुने एवम् व्यापार तथा व्यवसायिक उन्नति हुनेछ छ । विशेष ठानिएको काममा भने रोकावट आउनसक्ने छ । गोचरले अवस्था परिवर्तन गर्ने भएकोले साँझपखबाट भने यहाँको बोलीवचनले कसैको मन दुखाउनसक्ने तथा कसैसँग मनोमालिन्य बढ्ने सम्भावना रहनसक्ने छ । धनको अपव्यय वा धनोन्माद बढ्नसक्ने कुरालाई पनि नकार्न सकिन्न । अपेक्षित कार्यमा सफलताको लागि आज तपाईले श्री गौरीशङ्कर भगवान एवं गणपतिदेवको स्तुति तथा श्रद्धाभक्ति गर्नु फलप्रद हुनेछ ।

वृष राशिः
वृष राशिका व्यक्तिहरुको लागि आजको दिन मध्यान्हसम्म सामान्यतया संघर्षकर रहने देखिएको छ । केही कठिनाई तथा कामकार्यमा बाधाअड्चनजन्य संघर्षको मुकाविला गर्नपर्नसक्ने छ । तदोपरान्तबाट क्रमशः रमाइलो रहनेछ । अनुकूल वातावरण र मनोकामना पूर्ण हुनेछ । प्रशंसा मिल्ने हुनाले कामकार्यमा उत्साह बढ्ने एवम् खुशी र उमंग छाउनेछ । निमन्त्रणा तथा स्वागत सत्कारको अवसर एवम् कोसेली मिल्नसक्ने सम्भावना पनि देखिएको छ । सहयोगी भेटिने र व्यापार एवम् व्यवसायिक कार्यबाट राम्रो फाइदा उठाउन सक्नुहुनेछ । यहाँहरुको लागि आज एक अंक, रातो रङ्ग उपयुक्त हुनेछ । थप सफलताको लागि मान्यजनलाई खुशी बनाउनु शुभप्रद हुनेछ ।

मिथुन राशिः
मिथुन राशिका व्यक्तिहरुको लागि आजको दिन मध्यान्हसम्म समयअनुकूल नै रहेको देखिन्छ । तदुपरान्त भने केही संघर्षको अनुभूति हुनसक्ने छ । खर्च बढ्नसक्ने सम्भावना देखिएको छ तथापि गुरुको कृपा प्राप्त हुने र नसोँचिएको काम बनेर लाभ एवं उपलब्धि पनि मिल्नेछ । सामान्यतया कामकार्यमा अबरोधको सामना गर्न पर्नसक्छ । स्वजनसँग विछोडिन पर्ने तथा कसै कसैलाई अप्रिय समाचार सुन्नपर्ने पनि हुनसक्नेछ । यात्रासम्बन्धी कार्ययोजना बन्नसक्ने छ । परोपकार तथा असहाय क्षेत्रलाई सहयोग गर्न मनलाग्ने छ । आज यहाँले शिव भगवानको स्तुति आराधना तथा साधना गर्नु विशेष पूण्यप्रद हुनेछ ।

कर्कट राशिः
कर्कट राशिका व्यक्तिहरुको लागि आजको दिन आर्थिक लाभ हुनेछ । पेशा एवम् व्यवसायबाट औकात तथा हैसियत अनुसारको धनलाभ गर्न सकिनेछ भने आँटेताकेको कामकार्यमा सफलता मिल्नेछ । मानसम्मानप्रद ग्रहयोग परेकोलेराजमान मिल्नसक्ने छ भने राजनीति तथा समाजसेवा कर्मीहरुले पदप्रतिष्ठा एवम् जिम्मेवारी प्राप्त गर्नसकिने छ । कर्मक्षेत्रमा आएका अबरोधहरु हट्ने र थप कार्यमा रुचि बढ्नेछ । आफन्तीहरुसँग भेट्घाट हुने र व्यवहारिकता एवम् औपचारिकता निर्वाह गर्न पर्नेछ । प्रशंसक बढ्ने र शुभसमाचार प्राप्त हुनेछ । आज यहाँको लागि दुई अङ्क, सेतो रङ्गको प्रयोग र शिवाराधना गर्नु शुभकर हुनेछ ।

सिंह राशिः
सिंह राशि हुनेहरुको लागि आज दिन केही हद्सम्म धर्म–अध्यात्मको सम्बन्धमा उठेका सन्देह तथा जिज्ञाशाको समाधान मिल्नसक्ने छ । अपयशको बाबजुतपनि वैयक्तिक विकास हुने र समसामयिक दिनचर्याका समस्याहरु सुल्झिदै जाने देखिन्छ । दिनको उत्तरार्धबाट क्रमशः सफलता बढ्नेछ । तथापि मान्यजन कष्ट आदिको सम्भावनालाई गोचरले नकार्न सकेको छैन । राजनीति, समाजसेवा तथा जागिर आदि राज्य एवम् समाजसँग सम्बन्धित कार्यमा प्रतिष्ठा तथा जिम्मेवारी बढ्नसक्ने छ । केही सन्देहको बाबजुतपनि मुल्याङ्कनमा अग्रता मिल्नेछ । कृति एवम् यश बृद्धि गर्नसकिने छ ।

कन्या राशिः
कन्या राशि हुनेहरुको लागि आजको दिन मध्यान्हसम्म केही दिक्कतपूर्ण रहने ग्रहगोचर परेको देखिन्छ । तसर्थ कामकार्य गर्दा केही सावधानी अप्नाउनु मनासिव हुनेछ । उपरान्त क्रमशः स्वास्थ्यमा सुधार आउने छ । धर्मकर्ममा मन जानेछ । अध्यात्मिक तथा आस्तिक भावना बढ्ने र धार्मिक कार्यमा सरिक हुनसकिने छ । सौहार्दपूर्ण वातावरण बन्दै जानाले मानसिक शान्ति मिल्नेछ साथै कुनै तवरबाट आकस्मिक रुपमा लक्ष्मी कृपा हुनेछ । यात्रायोजना एवम् नयाँ कार्यको थालनीको सम्भावना पनि देखिएको छ । आज यहाँलाई नौ अङ्क, पहेलो रङ्गको प्रयोग र धार्मिक क्षेत्रलाई सहयोग गर्नु फलिफाप सिद्ध हुनेछ ।

तुला राशिः
तुला राशिहुने हरुको लागि आजको दिन दिनको पूर्वखण्डमा जीवनसाथी वा प्रेमीको सहयोगले व्यवसायिक तथा पेशागत कार्य अघि बढ्न सक्नेछ । पारिवारिक सामाञ्जस्यता बढ्ने र आमोद–प्रमोदपूर्ण दिन चर्या व्यतित हुने देखिन्छ । ससुराली आदिबाट मानसम्मान मिल्ने तथा लौकिक उन्नति गर्नसकिने छ । विशेष स्थानको यात्राको संयोगलाई पनि सम्भावना देखाइरहेको छ । मध्याह्नबाट भने स्वास्थ्यमा मौसमी विमारको सिकायत हुनसक्ने छ । दीर्घरोगीले विशेष ध्यान दिन जरुरी पर्नेछ । सेतो एवं रातो रङ्ग, सात र आठ अङ्कको प्रयोग मिलाउनु फापकर हुनेछ भने ईष्टदेवको सेवाश्रद्धा भक्तिभाव बढाउनु राहतप्रद हुनेछ ।

वृश्चिक राशिः
वृश्चिक राशिहुने व्यक्तिहरुको लागिआजको दिन पूर्वार्धमा गरिएको फुर्तिफार्तिबाट अपेक्षित उपलब्धि नआएपछि चेत खुल्ने छ । र उत्तरार्धमा केही संयम व्यवहार हुनसक्ला । मध्याह्नसम्मलाई कार्य सफलताको लागि गुरुजनको आर्शिवादको जरुरी देखिएको छ । उपरान्तबाट स्वजनको सहयोग मिल्ने, व्यापार एवम् व्यवसायबाट आकस्मिक रुपमा धन लाभ मिल्ने गई उमङ्ग छाउने छ । आँटसाहसले गर्ने काम सम्पादन गर्न सजिलो हुनेछ । प्रमोदीचर्या बढ्ने गोचर परेकोले दाम्पत्य सुख एवम् प्रेमसम्बन्ध दृढ हुनेछ । मानसम्मान पूर्ण यात्रा एवम् मनोरञ्जनजन्य वातावरणको संयोग जुट्ने छ ।

धनु राशिः
धनु राशि हुनेहरुको लागि आजको दिन दिनको पूर्वार्धमा घमण्डलाई संयम गर्नसकेमा विद्यार्थीलाई सफलता र सैद्धान्तिक उत्कर्षता प्राप्त हुनेछ । उन्माद्ले पश्चाताप हुने व्यवहार हुनजाला ख्यालपुर्याउनु पर्ला । दिनको उत्तरार्धमा लाभको सम्भावना भएर पनि सम्भावित क्षेत्रमा अदृष्य बाधाब्याबधान आइलाग्नसक्ने वा अपेक्षित कार्यमा ढिलासुस्ती हुनसक्ने देखिएको छ । ससाना कामकार्य भने सम्पन्न हुनेछन् । सामान्यतया मानसिक उत्साह र शारीरिक उमङ्ग बढेर जाने तथा विशेष कामकार्यमा जमर्को हुनेछ । ग्रहको बाधाब्यावधान निवारणको लागि शनिदेवलाई खुशी बनाउने उपाय अवलम्बन गर्नु बुद्धिमानी हुनेछ ।

मकर राशिः
मकर राशिहुने व्यक्तिहरुको लागि आजको दिन दिनको पहिलो खण्ड अनपेक्षितरुपमा कामकार्यमा केही अड्चन तथा दिग्दारी आइपर्नसक्ने खालको देखिएको छ । भलै शुरुको केही संघर्षको बाबजुतपनि निराश भइहाल्न भने पर्दैन मध्यान्हबाट सुधार आउने देखिन्छ । आत्मबलमा ह्रास नगरी धैर्य रहने र बुद्धिविवेकले काम गर्ने गरेमा क्रमशः समस्या टार्नसकिने र शुभ फल प्राप्ति हुनेछ । तथापि सैधान्तिक र नीतिगत विषयमा व्यवहारिक कमजोरी भेटिनसक्छ ख्याल पुर्याउनु होला । केही बढी परिश्रमले पेशा तथा व्यवसायबाट आंशिक लाभ गर्न सकिनेछ । कार्य अड्चनलाई निवारण गर्न आज तपाईले शिवभगवानको स्तुति गर्नु शुभप्रद हुनेछ ।

कुम्भ राशिः
कुम्भ राशिका व्यक्तिहरुको लागि आजको दिन अपराह्नसम्म गोचर स्थिति सामान्यतया ठिकै रहेको छ । रपनि बढी ईच्छाइएको काममा सफलताको लागि गुरुजनको आर्शिवाद लिनु बुद्धिमानी हुनेछ, अन्यथा कार्यपूर्ण हुन कठिनाई देखिन्छ । सामान्यतया दैनिकी कार्यमा दिन ठिकै देखिएको छ । उपरान्तबाट भने गोचर स्थितिमा केही प्रतिकूलता प्रतित हुँदै गरेकोले सावधानी अप्नाउनु बुद्धिमानी हुनेछ । वादविवादको झमेला आईपर्नसक्ने सम्भावना छ बोली तथा व्यवहारमा होसियारी रहनुपर्ला । चार अंक, सेतो एवम् उज्यालो रङ्गलाई प्रयोग गर्नु शुभप्रद हुनेछ भने आमाको सेवा गर्नु वा आमाको आज्ञा पालन गर्नु फापसिद्ध हुनेछ ।

मीन राशि:
मीन राशिका व्यक्तिहरुको लागि आजको दिन यद्यपि तपाईँमाथि गुरु तथा मान्यजनहरुको शुभेच्छा एवं आर्शिवाद रहेको छ । रपनि अपराह्नसम्मको समयमा बोलीवचनमा सावधानी अप्नाई बुद्धिले काम लिनपर्ने छ । सञ्चित धनको अपव्ययको सम्भावना पनि रहेकोले त्यतातिर पनि ख्याल गर्नुपर्ला । उपरान्त शारीरिक एवम् मानसिक स्फुर्ति बढ्ने छ । रोकिएर रहेका कार्यहरु अघिबढ्ने छन् । व्यवसायिक शान्ति र बन्धुबान्धबबाट पनि सहयोग मिल्ने छ । बढी चाहना गरिएको काममा भने अबरोध आउनसक्ने छ । जसलाई निवारणको लागि महावीर हनुमानको स्तुति उपयुक्त हुनेछ ।