लागु औषध (चरेस) सहित ३ जना पक्राउ

काभ्रे, २७ भदौ । ( सुरज श्रेष्ठ ) काभ्रेपलाञ्चोकको सागांबाट प्रहरीले दुई किलो चरेशसहित तीन जनालाई पक्राउ गरेको छ ।

प्रहरी चौकी साँगाबाट खटिएको सानोबाबु टोलीले काभ्रेपलाञ्चोक जिल्ला बनेपा नगरपालिका वडा नं. १४ काक्रेबारी जाने सडकमा नियमित जाँचका क्रममा चितवनका ५३ वर्षीय दीपक लामा र पाँचखाल नगरपालिका–१० का ४४ वर्षीय कान्छा सार्कीलाई बनेपाबाट र लागुऔषध कारोबार गर्ने सोलुखुम्बु घर भई कामपा–१ सीतापाइलामा डेरा गरी बस्ने ३१ वर्षीय ज्ञानबहादुर बस्नेतलाई काठमाडौँबाट पक्राउ गरिएको जिल्ला प्रहरी कार्यालय, धुलिखेलका प्रहरी उपरीक्षक सहकुलबहादुर थापाले जानकारी दिनुभयो ।

पक्राउ परेकामध्ये प्रहरीले सागां बाट दिपक लामा र कान्छा सार्कीलाई पक्राउ गरेको केही बेरमा नै ज्ञानबहादुर बस्नेतलाई  पक्राउ गरेको हो । उनीहरुलाई लागुऔषध कारोवार ऐनअन्र्तगत मुद्दा चलाउने बताउनु भयो  ।