सहकारी मार्फत कृषि र पशुमा अनुदानको व्यवस्था- वाइवा

मण्डनदेउपुर-मण्डनदेउपुर सहकारी समन्वय समितिको आयोजनामा ६२ औं सहकारी दिवस मण्डनदेउपुरको समृद्धिमा सहकारीको भुमिका विषयक अन्तरक्रिया कार्यक्रमका बिच सम्पन्न भएको छ ।

कार्यक्रममा कार्यक्रममा नगर प्रमुख टोकबहादुर वाइवाले नगरमा रहेका सवै सहकारीको हितको लागि योजना ल्याएको बताउनु भयो । सहकारीमार्फत ५० प्रतिशत अनुदानमा कृषि सामाग्री वितरण, कृषि तथा पशुपालनको क्षेत्रमा बजेट विनियोजन गरेको बताउनु भयो । नगरभित्रका सबै सहकारीलाई समन्वय गर्न र नियमन गर्न सहकारी नगर समन्वय समिति गठन गरेर अगाडी बढेको बताउंदै सहकारीहरुले सदस्यको हितको लागि कार्य निरन्तर रुपमा गर्नुपर्ने सुझाव दिनुभयो ।

सहकारी सञ्चालकहरुले पशु बिमा कार्यक्रम सञ्चालन गरेपनि विमित पशुहरु मरेपछि दिईने क्षतिपूर्तिको कुनै श्रोत नभएका कारण सहकारी समस्या परेको गर्नुभएको छ । एउटा भैँसीको मूल्य एक लाख लाखभन्दा बढी हुने र ८० प्रतिशत क्षतिपूर्ति दिँदा सहकारीलाई आर्थिक भार समेत बढेको बताउनु भएको थियो । गाउँगाउँमा कम्पनी बिमाहरु पसेर किसानहरुलाई विभिन्न आश्वासन दिने गरेको र बार्षिक नविकरण वापत समेत पैँसा लिने गर्दा गाउँमा सामुदायिक विमाको क्षेत्रमा काम गर्ने सहकारीहरु मर्कामा परेको बताउनु भएको छ । सामुदायिक विमाको क्षेत्रमा काम गर्ने सहकारीलाई नगरपालिकाले सहयोगका कार्यक्रम अघि बढाउन नगरपालिकालाई आग्रह गरेका छन् ।
मण्डनदेउपुर सहकारी समन्वय समितिका अध्यक्ष सुमन नेपालको सभापतित्वमा सम्पन्न कार्यक्रममा समस्याग्रस्त सहकारी व्यवस्थापन समितिका सदस्य दिपक पौडेल, जिल्ला सहकारी संघ काभ्रेमा सचिव दिलिप शर्मा, मण्डनदेउपुर नगरपालिकाका प्रमुख प्रशासकिय अधिकृत मोहन अधिकारी, वडा अध्यक्ष डिल्लीप्रसाद आचार्य, नारायण लम्साल, नगर सल्लाहकार गोकुल गौतम,सहकारीकर्मीहरु बिदुर सापकोटा,शेरबहादुर डोटेल, राजन पराजुली लगायतले समृद्ध नगर निर्माणको लागि सहकारीकोे भूमिकाको बारेमा आफ्नो धारणा राखेका थिए ।