पाँचखालमा क्रियापुर्ती बस्ने व्यवस्था,सुनमति गंगालाई वागमति जस्तो हुन दिदैनौं -स्थानिय

पाँचखाल-तामे्रश्वर घाट व्यवस्थापन समितिको पहलमा पाँचखाल स्थित सुनमति गंगाको तिरमा निर्मित पाटीमा क्रियापुत्री बस्ने व्यवस्था मिलाईएको छ ।

पाँचखाल र आसपासको स्थानिएले ४० बर्ष अगाडीबाट प्रयोग गर्दै आएको तामे्रस्वर घाटमा घाट व्यवस्थापन समिति साथै स्थानिएको पहलमा श्रीमत भागवत सप्ताह लगाएर पितृ मोक्षको कार्य गरेको थियो । सोही कार्यमा संकलन भएको आर्थीक साथै स्थानिएको सहयोगमा निर्माण भएको पाटीमा हालैबाट क्रियापुत्री बस्ने कार्य सुरु भएको छ ।

पाँचखालमा बढ्दो जनघनत्वलाई मध्यनजर राख्दै पित्रिकार्यको लागि क्रिया गर्न नगरवासिहरुलाई समस्या नपरोस भन्ने उद्देश्यले सो व्यवस्था गरेको तामे्रश्वस घाट व्यवस्थापन समितिले जानकारी गराएको छ । क्रियापुत्री पाटी निर्माणको लागि पाँचखाल नगरपालिका, संसदविकास कोशले समेत आर्थीक उपलब्ध गराएको थियो ।

घाट व्यवस्थापन समितिका अध्यक्ष मुक्तिनाथ अधिकारीको निधनले गर्दा पाटी निर्माण कार्यमा केही ढिलाई हुँदा सञ्चालनमा ढिला भएको व्यववस्थापन समितिले जानकारी गराएको छ । घाट तथा पाटी व्यवस्थापन साथै संञ्चालनको लागि चैत्र ३० गते बृहत भेलाको आयोजना गरी समिति निर्मण गर्ने भएको छ । सतिति निर्माण पश्चात घाटको छेउमा पाँचखाल बजारको ढललाई अव्यवस्थित ढंगबाट छाडेकोले त्यसलाई व्यवस्थित गर्न घाट भन्दा ३ सय मिटर तल रहेको सार्वजनिक जग्गामा ढल प्रशोधन गरेपछि मात्रै सुनमति गंगा ( झिगुखोलामा) मिसाईनु पर्ने भन्ने बिषयमा नगरपालिकालाई अनुरोध गर्ने तयारी रहेको छ ।

घाट व्यवस्थापनि समितिले भनेका छन् “अघिल्ला पुस्ताले बागमती फोहोर पारे जस्तै गरी सुनमति गंगामा फोहोर गर्न दिदैनौ” । सो कार्यको लागि पाँचखाल नगरपालिका साथै वडा नं ३ , ४ , ५ , ६ र वडा नं ७ का जनप्रतिनिधिहरुले ध्यान दिन जरुरी रहेको छ । स्थानियहरुले ४० बर्ष अगाडी दाहा संस्कारको लागि दोलालघाट स्थित दुलालेश्वर घाटमा लाने गरेकोमा धेरै टाढा साथै बिबिध समस्या भएको भन्दै ०३५ सालमा समाजसेवी पुर्णप्रसाद अधिकारीको अगुवाईमा तामे्रश्वर घाटको निर्माण भएको थियो । हाल आएर स्थानियले सो घाटको व्यवस्थापन साथै ढल व्यवस्थापन र खोलाको छेउबाट करीडोर निर्माणको लागि नगरपालिका समक्ष घचघच्याउंदै आएका छन् ।