मण्डनबाट १९ लाख बजेट पाँचखालमा

पाँचखाल-मण्डन उपत्यका सामाजिक उत्थान समाज गाउं सामुदायिक समिति पाँचखालको योजना संञ्चालन साथै लेखा सम्बन्धि अभिमुलिकरण कार्यक्रम सम्पन्न भएको छ । चुहावट रहित ढंगबाट गुणस्तरयि बिकास निर्माण गर्ने बिषयलाई मध्य नजर राख्दै उक्त कार्यक्रमको आयोजना गरेको जानकारी प्राप्त भएको छ ।

गाउं सामुदायिक समिति पाँचखालका अध्यक्ष गणेशलाल श्रेष्ठको सभापतित्वमा सम्पन्न उक्त कार्यक्रमका प्रमुख अतिथि जिल्ला समन्वय समिति काभे्रका उप—प्रमुख मञ्जु गौतम रहनु भएको थियो । मण्डन उपत्यकाबाट पाँचखालमा बिभिन्न ९ योजना छनोट गरी १९ लाख बजेट उपलब्ध गराएकोमा ८ योजनाको करिव कार्य सकिइ सकेको छ । निर्धारित समय अगावै कार्य सम्पन्न गरेकोमा मण्डन उपत्यका सामाजिक उत्थान केन्द्रले खुसि व्यक्त गर्दै विकास निर्माण कार्यकोलागि थप बजेट उपलब्ध गराउने शंकेत दिएको छ ।

मण्डन उपत्यका सामाजिक उत्थान समाजको आयोजनामा सम्पन्न अभिमुखिकरण कार्यक्रममा केन्द्रिय उपाध्यक्ष यज्ञवहादुर दर्जी, केन्द्रिय कोषाध्यक्ष बिष्णुहरी पौडेल, केन्द्रिय सचिब केशव प्रसाद सापकोटा, केन्द्रिय सदस्य भोजराज पन्त, केन्द्रिय लेखा समिति सदस्य रमेस पौडेल , गाउं सामुदायिक समिति पाँचखालका उपाध्यक्ष कान्छा अधिकारी (काका) सदस्यहरु गणेश दनुवार, तेजप्रसाद तिमल्सिना, सरु रञ्जित, युवाङसाङ लामा, दुर्गा शाह, नवराज श्रेष्ठ, सालिकराम सिपखान, सत्यदेवी थापा, जनप्रतिनिधि शिवहरी पराजुली लगाएतका सरोकारवालाहरुको उपस्थिति रहेको थियो ।

गाउं सामुदायिक समिति पाँचखालकका उपाध्यक्ष कान्छा अधिकारी (काका) बाट संञ्चालित उक्त कार्यक्रममा गोकुल गुरागाई र केन्द्रिय सचव केशव सापकोटा साथै प्राबिधिक बिक्रम चन्द्र बोगटीले उपभोक्ता समितिले विकास निर्माणको लागि निर्वाह गर्नुपर्ने भुमिकाको बारेमा प्रशिक्षणात्मक ढंगबाट प्रशिक्षित गराउनु भएको थियो ।