छुट्टै पहिचानका साथ महालक्ष्मी इन्स्योरन्स

बनेपा-इन्स्योरेन्स लिमिटेडहरुमा कान्छो महालक्ष्मी लाइफ इन्स्योरेन्स लिमिटेड छुट्टै पहिचानका साथ बनेपामा सेवा दिन आउने भएको छ ।

बनेपामा भएको साक्षातकार कार्यक्रममा संस्थाका बारेमा परिचय गराउँदै स्थापनाको छोटै अवधिमा नेपालीहरुको विश्वास जित्न सफल भएको खुलासा गर्दै उपत्यका बाहिर दर्ता भएको केहि महिना नपुग्दै तेह्रौं शाखाको रुपमा बनेपामा सेवा दिन लागेको सिनियर एजेन्सी म्यानेजर वासुदेव त्रिपाठीले कार्यक्रममा बताउनु भयो ।

मुलुकको सातै प्रदेशमा प्रादेसिक शाखा रहेको महालक्ष्मी लाइफ इन्स्योरेन्स लि. अहिले मुलुकमा रहेका १८ वटा इन्स्योरेन्स कम्पनी भन्दा फरक कित्ताबाट आपूmलाई जनता माझ चिनाउन सफल भएकै कारण स्थापित भएको म्यानेजर त्रिपाठीले बताउनु भयो ।

त्यसैगरी बनेपा ब्रान्च म्यानेजर उर्मिला कार्कीका अनुसार लामो अनुभव समालेको टिमकै कारण जनता माझ यो इन्स्योरेन्स कम्पनी छिटै लोकप्रिय बन्न सफल भएको छ । यो कम्पनीले कबोल गरेका वाचाहरु पूरा गर्ने विश्वासकै कारण पनि नेपाली जनताहरुले यस प्रति विश्वास बढाएको कम्पनीले महशुस गरेको उहाँको तर्क थियो ।

साक्षातकार कार्यक्रममा सहभागीहरुको जिज्ञासा मेटाउदैं म्यानेजर कार्कीको थप कथन थियो– महालक्ष्मी लाइफ इन्स्योरेन्स लि. पक्कै पनि अन्य इन्स्योरेन्स भन्दा फरक योजना लिएर आएको छ । जुन योजना आजसम्म अन्य कम्पनीले नदिएको दावा गर्दै महालक्ष्मी डबल (दोब्बर) साविक विमा, लगानी फिर्ता म्यादी विमा र सावाधिक विमा योजना यस कम्पनीका विशेषता हुन् । जसको कारण नेपाली जनताको विश्वास सहजरुपमा जित्न सफल भएको आप्mनो अनुभव रहेको बताउनु भयो ।

त्यसैगरी केन्द्रीय शाखा विस्तार प्रवन्धक जनकराज बरालका अनुसार बनेपा मुलुकको पूर्वको नाकाको रुपमा स्थापित व्यवसायिक मुटु हो । यसलाई यस किसिमका कम्पनीहरुको खाँचो छ । त्यो खाँचो महालक्ष्मी लाइफ इन्स्योरेन्सले पुरा गर्नेछ भन्ने विश्वासका साथ हामी आएका छौं । अहिले मिडियामा आए अनुसार यो योजनामा सत्र प्रतिशत मात्र आवद्ध छन् । अव राज्यको नीति अनुसार बाँकी ८३ प्रतिशतलाई पनि आवद्ध गराउने योजना अनुरुप हामी बनेपा प्रवेश गरेका हौं । यसर्थ पनि प्रत्येक नागरिकको जीवन सुरक्षाको लागि र नैसर्गिक अधिकारलाई आत्मसाथ गर्नु महालक्ष्मी लाइफ इन्स्योरेन्सको दायित्व सम्झेका छौं ।

कुनै पनि व्यवसायको पछाडि लाइफ इन्स्योरेन्स जोडिएको हुन्छ र त्यो आवश्यक पनि छ भन्नु हुँदै बराल थप्नु हुन्छ–तर अतीतका केहि तिक्तताले यो क्षेत्रमा चुनौति पनि थपिएको छ । त्यसलाई चिर्दै जनता माझ आपूmलाई स्थापित गर्दै सेवामा समर्पित हुन महालक्ष्मी लाइफ इन्स्योरेन्स लि. बनेपा आएको उहाँको तर्क थियो । स्मरण रहोस् सार्वजानिक नहुँदै सयौं जना बनेपाली नागरिकहरुको मन जित्न सफल भएको इन्स्योरेन्स सम्बन्धि कागजातले पुष्टि गरेको कार्यालयको अभिलेखले देखाएको छ । नेपालमा रहेका प्रतिष्ठित पाँचवटा बैंकहरुको लगानी रहेको यस इन्स्योरेन्स लिमिटेडको प्रधान कार्यालय काठमाडौं रहेको बनेपा शाखा प्रमुख उर्मिला कार्कीले साक्षातकारमा बताउनु भएको थियो ।