पाँचखालको पहिचानको लागि मुस्कान खुसिको लागि सकारात्मक सोच आवश्यक – खरेल

पाँचखाल-“आज हामी कोहीपनि खुसि छैनौ, स्वार्थै स्वार्थले उभिएका छौं” उक्त भनाई पाँचखाल नगरका प्रमुख (मेयर) महेश खरेलले समृद्ध जिवन कार्यक्रममा बताउनु भएको हो ।

कार्यक्रमका सभाध्यक्ष प्रमुख खरेलले मानिमा स्वार्थले व्याप्त पारेको छ, जुन कार्यले घर, समाज साथै मुलुकको हित हुन नसक्ने बताउनु भयो । समाज तथा व्यक्तिको हितको लागि मानिसले अनावस्यक स्वार्थलाई त्याग्नुपर्ने बताउनु भयो । सकारात्मक सोचको साथ अगाडी बढ्दै आ—आफ्नो धरातललाई नभुलिकन अगाडी बढाउनुनै हालको आवश्यकता भएको बताउनु भयो ।

कार्यक्रममा प्रमुख खरेलले थप्नुभयो पछिल्लो समयमा आएर हामी कोहीपनि खुसि छैनौ, त्यसो हुनाको मुल कारण जिवनलाई सकारात्मक मार्गमा अगाडी बढाउन नसक्नु हो । जव हामीपले जिवनलाई सकारात्मक मार्गबाट अगाडी बढाउन सक्छौं तव सधै खुसिको सुरुवात हुने ठोकुवा गर्नुभयो । हामी सवै नगरवासिमा खुसिको सुरुवातको गर्नको लागि समृद्ध जीवनको आयोजना गरेको बताउनु भयो ।

पाँचखालमा सम्पन्न समृद्ध जिवन कार्यक्रममा गुरु द्वय रमेश नेपाल र एल.पि.भानु शर्माले प्रशिक्षण दिनु भएको थियो । प्रशिक्षणको क्रममा जीवन बिज्ञान आध्यात्मीक संथा रहेको र जुन संस्थासंग कुनै स्वार्थ नभएको बताउदै पाँचखाल वासिको मुहारमा मुष्कान दिनको लागि कार्यक्रमको आयोजना गरेको बताउनु भयो । मनलाई खुसि राख्न सके संसार खुसि रहने बताउंदै सकारात्मक सोचका साथ मनलाई खुसि राख्नुपर्ने बताउनु भयो ।

उहाँहरुले थप्नुभयो जीवन विज्ञान प्रतिष्ठानसंग ५ सय ५० जना प्रशिक्षकहरु रहेको बताउंदै पाँचखालवासिलाई खुसि राख्न आवस्यक सहयोग गर्ने भन्दै प्रशिक्षण दिनु भएको थियो । प्रशिक्षण कार्यक्रममा नगरमा रहेका जनप्रतीनिधिहरु, शिक्षकहरु, समाजसेवी, राजनीतिग्य वेक्तित्वहरु, महिला स्वयंसेविका लगायतको वाक्लो उपस्थिति रहेको थियो ।