जात्राको चटारोमा बनेपाका धलान्छे परिवार

बनेपा-आराध्यदेवी चण्डेश्वरी माईको सम्झनामा प्रत्तेक बर्ष मनाईने जात्राको पुर्व संध्यामा बनेपा नगरलाई दुलही जसरी सिंगार्ने कार्यको चटारोमा बनेपाका धलान्छे परिवार जुटिरहेका छन् ।

शुक्रबारबाट सुरुहुने ऐेतिहासिक पर्व चण्डेश्वरी जात्राका बारेमा मुलुकको पुर्वी नाका वेखवर भने छैन भन्नु हुन्छ धलान्छे परिवारका सदस्य बुद्धरत्न मानन्धर । उहांका अनुसार आराध्ये देवी चण्डेश्वरी मां , प्रत्तेक बर्ष मनाईने यो पर्वको महत्वका बारेमा चर्चा गरेरै साध्य छैन । त्यति अर्थ राख्छ, हिजो हाम्रा पुर्खाहरुले जुन किसिमको संस्कार संस्कृती रितिरिवाजको आरम्भ गर्नुभयो त्यसवाट पनि चण्डेश्वरी माईको महत्व अझ मजवुत भएको पाईन्छ ।

आज २१ औं सताव्दिमा पनि हामि युवाहरुमा त्यो लगनसिलता स्थापित गर्न वहाँहरु सफलहुनु भएको छ । जसको प्रतिविम्व धलान्छे परिवार जात्रा सुरुहुनु ४ दिन अगाडी देखि सरसफाईमा जुटेको छ । डवली तीनधारा देखि जलेश्वर सम्म बाटोमा पर्ने मठ मन्दिर जस्तै तधंगु तंः चण्डेश्वरी मन्दिरको प्राङ्गन, भैरव कुण्ड र जलेश्वर लगायतका क्षेत्र आसपास सरसफाइमा जुटेका छौं भन्नुहुन्छ धलाछें परिवारका सदस्य बुद्धरत्न मानन्धर लगायतको समुहको तर्क रहेको छ । यो दायित्व हाम्रो हो , यो जिम्मेवारी हामीले पुरागर्नुपर्छ भने त्यस्तै अन्य दायित्व पनि अरुअरु परिवारमा छ ।

त्यसैले यो साझा सम्पतिको संरक्षण गर्नु सवैको दायित्व भित्र पर्छ । त्यसका लागि जनप्रतिनिधि मुलक संस्था नगरपालिकाले अहंम भूमिका निर्वाह गर्नुपर्ने हामीले देखेका छौं, भन्नुहुन्छ सरसफाईमा जुटेका युवाहरु । स्मरण रहोस हिजोका दिनमा चण्डेश्वरी मन्दिर दर्शन गर्न जाँदा भैरव कुण्डको जल सेचन गरेर मात्र मन्दिरमा दर्शन गर्ने प्रचलन थियो तर हाल आएर उक्त बिधि एकादेसको कथा भएको छ । त्यसैले यी पौराणिक महत्व राख्ने पाटी, पौवा, कुण्डहरुको संरक्षण र सम्बद्र्धनका लागि सवै जुट्न आवश्यक रहेको बौद्धिक व्यक्तित्वहरुको राय छ । भैरव कुण्डको जलसेचन गरेर रथ लैजाने र ल्याउने परम्परा धान्न मुस्किल रहेको अहिलेको अवस्थामा सरोकारवाला निकायले चासो नदिए यो औपचारिकता पनि गुम्नेमा युवाहरुको गुनासो रहेको छ ।