पनौती लायन्स अनुकरणीय यात्रामा

पनौती-काभे्रपलाञ्चोक जिल्लाको पनौती नगरलाई कार्यक्षेत्र बनाएर स्थापना भएको “लायन्स क्लब अफ काठमाडौं टेम्पल पिस काभे्र ३२५ वि वन” ले असाय, अनाथ, अपाङ्ग र बृद्धाबुद्धहरुका लागि यस क्षेत्रमा अनुकरणीय कार्य गर्दै आएको छ । उसको नारापनि त्यहि हो । “अनाथ, असाय र अपाङ्गको सहायतामा लायन्स क्लब” यहि नारालाई सार्थक दिने संस्थाको रुपमा आफुलाई समाजमा स्थापित गर्न सफल भएको छ ।

यसैको पछिल्लो नमुना भूकम्पले छियाछिया पारेका मनहरुलाई मलमपट्टि लगाउने जमर्को सहित पनौती नगरपालिका वडा नं ११ बसोवास गर्ने भूकम्प पिडित कृष्णबहादुर लामाका लागि आवासको व्यवस्थापन गरेका छन् । भूकम्पबाट आवास विहिन बन्न पुगेका लामाका लागि आयन्स क्लब भगवान बनेर आएको उहांको अभिव्यक्तिले दर्शाउंछ ।

सो लायन्स क्लबका अध्यक्ष भोला थापाका अनुसार सामाजिक रुपमा दैविक विपदमा परेका व्यक्तित्वहरुको पिडामा मलमपट्टि लगाउनु नै लायन्स कर्मीहरुको धर्म हो । हामि लायन्सले यहि धर्म पुरा गरेका छौं भन्नुभयजो ।
गत शनिवार एक भव्य समारोहका विच स्थानिय भद्रभलाद्मी सजमाजसेविहरुको रोहवरमा पिडित लामालाई उक्त आवास गृह हस्तान्तरण गरिएको थियो ।

उक्त अवसरमा राजनीतिज्ञ तथा समाजसेवी काभे्र सेवा समाजका पुर्व अध्यक्ष प्रल्हाद के.सि, पनौति नगरबिकास समितिका अध्यक्ष रामकुमार बस्नेत, राजनीतिज्ञहरु लक्ष्मण हुंमागाई, चेतनाथ भारति, लायन्स विनोद तिमल्सिना, हरिशरण बस्नेत, सुवासराज बञ्जारा, श्याम थापा र योगप्रसाद बञ्जारा लगायतका व्यक्तित्वहरुले लायन्सले समाजमा खेलेका भूमिकाको बारेमा चर्चा गरेका थिए ।