काभे्रका किरणले बर्दिवासमा पोसाक बितरण

बनेपा-काभे्र जिल्लाको साविक विर्ता देउराली खहरेखोला हाल भुम्लु गाउंपालिकामा जन्मिनु भई ब्रह्माण्डको उत्पत्तिसम्बन्धी अध्ययन गर्ने वैज्ञानिकको टोलीमा छानिएर सन् २०१५ मा अमेरिका पुग्नुभएका किरण अधिकारीले बर्दिवास नगरपालिकामा पुगेर विपन्न वालवालिकालाई पोसाक प्रदान गर्नुभएको छ ।

काभे्रली युवा वैज्ञानिक अधिकारीलाई युवा तथा खेलकुद मन्त्रालयबाट ‘युवा प्रतिभा तथा युवा उद्यमी प्रोत्साहन पुरस्कार ०७३’ बाट सम्मान गरेको थियो । सो सम्मानित कार्यमा अधिकारीलाई नगद ५० हजार उपलब्ध भएको थियो । सो रकमबाट अधिकारीले बालबालिकाको पोसाखमा खर्च गर्नुभएको थियो ।
वैज्ञानिक अधिकारीले बर्दिवास नगरपालिका वडा नं १० मा रहेको जनता आधाभूत विद्यालय र लक्ष्मीवास आधारभूत विद्यालय तथा वडा नम्बर–११ को राष्ट्रिय जनता आधारभूत विद्यालयमा गरी तीपन विद्यालयमा अध्ययनरत १ सयि १० जना विपन्न तथा दलित बालबालिकालाई विद्यालय पोसाक प्रदान गर्नुभएको थियो ।

पोसाक वितरण कार्यक्रममा बैज्ञानिक अधिकारीले भन्नुभयो ‘यो धेरै ठूलो सहयोग होइन, तर विपन्न बालबालिकाको पढाइमा यसले पक्कै टेवा पुग्नेछ,’ । विद्यार्थी जिवनमा मैले धेरै मेहनत गरे राम्राहरुको संगत गरे जसको फल मलाई मिठो लागिरहेछ । विपन्न बालबालिकालाई हौसला मिलोस भनि सानो सहयोग गरेको हुं यो सहयोगले गर्दा विद्यार्थीहरुमा हौसला मिल्छ जसको कारण भविस्यमा प्रगति हुने बताउनु भयो ।

त्यसैगरी पोसाक बितरण कार्यक्रममा बर्दिवास नगरपालिकाका उपप्रमुख कृष्णमाया गौतमले विपन्न विद्यार्थीलाई सहयोग गर्ने अधिकारीको कामप्रति खुसी व्यक्त गर्नुभयो । कार्यक्रममा १० र ११ नम्बर वडाका अध्यक्ष द्वय धनलाल श्रेष्ठ र धनबहादुर लामा तथा जनता आधाभूत विद्यालयका प्रधानाध्यापक श्यामसुन्दर यादव लगायतले आ—आफ्नो धारणा राख्नु भएको थियो ।