बेरोजगारको अन्त्य आजको अपरिहार्यता बनेको छ–दाहाल

बनेपा-बनेपा नगरपालिका वडा नं. ७ ले शुभारम्भ गरेको जुत्ता बनाउने तालिमको मंगलबार उद्घाटन गर्दै बनेपा नगरपालिकाका उप–प्रमुख रेखा दाहाल (सापकोटा)ले उक्त भनाई राख्नु भएको हो ।

यदि प्रत्येक बेरोजगारलाई दक्षजनशक्तिका रुपमा विकाश गर्न सकियो भने समृद्ध नगर बन्न पर्खिरहन नपर्ने धारणा राख्नु हुँदै “सिप सिकौं आत्मनिर्भर बनौं” मानवको पहिलो आवश्यकता पनि हो । यदि हामीले नगरबाट बेरोजगार अन्त्य गर्र्नु छ भने यस्ता किसिमका सिपमूलक तालिमलाई प्राथमिकतामा राख्न जरुरी छ । तसर्थ पनि बेरोजगार अन्त्यका लागि यस्ता अभियान अपरिहार्य भएको उपप्रमुख दाहाल धारणा थियो ।

कार्यक्रममा महिला शाखा प्रमुख निर्मला कार्कीको धारणा थियो–जुन अभियान लिएर आएको छ नगरले, त्यो अत्यन्तै सान्दर्भिक रहेको चर्चा गर्दै जुन सिप दिन गइरहेको छ, त्यसले बेरोजगार अन्त्यका लागि अनुकरणीय कार्यका रुपमा अघि बढाउने बताउनु भयो । कार्यक्रममा वडा सदस्य साजन मुस्याज्यू, रामप्यारी श्रेष्ठ र प्रशिक्षक विरेन्द्र बोगटीले जुत्ता बनाउने तालिम आपैmमा अनुकरणीय भएको चर्चा गरेका थिए ।

कार्यक्रमको अध्यक्षता वडा अध्यक्ष वर्ण शाक्यले गर्नु भएको थियो भने कार्यक्रमको संचालन तालिम संयोजक वडा सदस्य रामप्यारी श्रेष्ठले गर्नु भएको थियो । आषाढ १६ गते सम्म चल्ने उक्त तालिममा २५ जना प्रशिक्षार्थीहरुले सिक्दै छन् ।