“ठेकेदार र नगरपालिकाको चेपुवामा व्यवसायी”, अधिकारका कुरा गरे घोक्रेठ्याक लगाइन्छ–व्यवसायी

बनेपा-काभ्रेपलाञ्चोक जिल्लाका १३ वटै स्थानिय निकायहरु मध्येको महत्वपूर्ण र व्यापारिक केन्द्रको रुपमा वाहा वाहा पाएको बनेपा नगरपालिका अहिले आलोचनाको भकारी भएको छ । जताततै आलाचनै आलोचनाको घेरावन्दीमा रहेको स्थानियहरुको गुनासो छ । छन् सञ्चार तथा सुचना प्रविधि मन्त्रीले एक सार्वजनीक कार्यक्रममा बनेपा नगरपालिका सुस्ताएकोमा चिन्ता जाहेर गरेपछि बनेपा नगरको क्रियाकलापको बारेमा सबै सरोकारवाला झस्किएका छन् ।

यता व्यवसायिकतालाई व्यवस्थित बनाउने नाममा व्यवसायिक भवनहरु व्यक्तिको पोल्टामा सुम्पने काम भएपछि वषौं देखिको आप्mनो रोजिरोटीको आधार गुमेको व्यापारीहरुको गुनासो छ । अहिले ठेकेदारको मनलाग्दी चलेको छ । जतिपनि अशुलेका छन् । भाडा तिरेबापत पाउनु पर्ने कुनै पनि सुविधाका बारेमा बोल्यो कि त पोल्यो । ठूला कुरा गर्छस्, घोक्रेठ्याक लाइदिउँला नि भनि हाल्छन् । कुनै मापदण्ड छैन भाडा निर्धारणको । जतिपनि असुल उपर गरेका छन् । नगरपालिका यस सवालमा निरिह बनिरहेको छ । हाम्रो गुनासा सुनाउने र सम्बोधन हुने निकाय हामीले पाएनौं । शौचायको दुर्गन्धले बसपार्क प्रवेश गर्न सक्ने अवस्था छैन । अझ महिला शौचालयमा त प्रवेश गर्न मुस्किल मात्र होइन चुकुल समेत छैन ढोकामा । बसपार्कमा बस प्रवेशमा रोक लगाएको छ । त्यसमा पनि पैसा कै चलखेल भएको कारण बस व्यवसायीहरुले बसपार्कमा बस लान चाहेका छैनन् ।

ठेकेदारहरुले महिनावारी भाडा ५ सय गुना बढाएका छन् भने व्यापार भने शुन्यता तिर धकेलिनुले के देखाउछ भने हाम्रा बालबच्चा मर्ने दिन आए भन्छन् व्यवसायीहरु । उहाँहरुको एउटै गुनासो छ, समाचार आओस नाम नआओस् । किन ? भनि सोध्दा हामीलाई ठेकेदार र नगरपालिकाका गलत क्रियाकलापका बारेमा बोल्ने छुट छैन । बोल्यो कि त मुन्द्रे चुल्ठेको धम्की आइ हाल्छ । लागत भन्दा २ सय गुना बढी असुलेका छन् । यो ज्यादतिका बारेमा सुनिदिने कोही छैन । धन्य छ, कस्तो नेतृत्व चुनेछौं । सुनेका छौं, चुल्ठेमुन्द्रेले जे गरेनी हुन्छ रे, उनीहरुलाई कुनै कानुन लाग्दैन रे । मापदण्ड मिची भवनहरु पनि बनेका छन् रे । प्राविधिकलाई किनेका पनि छन् र । नगर प्रमुख निन्द्रा मै दस्तखत गरिदिन्छन् रे । अन्याय प¥यो भनेर अख्तियारमा उजुरी परेपछि अख्तियारले कार्वाहिका लागि पठाएको पत्र नगरको मिलेमतोमा दम्पच पारेर राखिएको छ रे । सार्वजनिक सरकारी सम्पत्तिलाई मिचेर घर बन्छन् । पेटि बन्छन् । कोही बोल्ने हिम्मत राख्दैनन् । तै चुप मै चुप । निराजुको राज्य भएको छ बनेपा नगरपालिका । बलियाले जे गरेपनि हुन्छ । निर्धा निमुखाले नीतिसंगत, नियमसंगत काम गर्दा पनि न्याय पाउँदैन । एक इन्च भएपनि सार्वजनिक सम्पत्ति नहडपिकन चित्तै बुभ्mदैन बनेपालीको भन्दा फरक पर्दैन भन्छन् लामो समयदेखि व्यवसाय गर्दै आएका सिजन गौतम (छदम नाम) । नगरभित्र नगरको नीति लागु हुन्न । एक दिन ठूलै दुर्घटना हुन्छ । त्यतिबेला बल्ल होस खुल्छ । समयले नेटो काटिसकेको हुन्छ । अनि पछुताउनुको विकल्प मात्र बाँकी रहन्छ बनेपालीसँग ।

व्यापारीहरुको गुनासो छ पैसा लिएपछि सुविधा पनि दिनु प¥यो नि । होइन भने सम्झौता अनुसारको काम हुन्न भने हाम्रो धरौटी फिर्ता दिनुहोस् हामी जान्छौं । व्यापार हुँदैन, किन बस्ने ? एक एक लाख धरौटी लिएको छ । अनि अग्रिम मासिक भुक्तानि पनि दिनु पर्ने तर सामान्य नागरिकले उपयोग गर्न अधिकारबाट बञ्चित हुनु पर्ने कस्तो विडम्बना ? असुरक्षा त्यतिकै छ । तीन महिनाको बिचमा ५ पटक सम्म पसलहरु चोरी भएका छन् । त्यो सुरक्षाको दायित्व कसको ? रकम असुले पछि सुरक्षा दिनु पर्छ कि पर्दैन ? कतै मिलेमतो त छैन ? आशंकाको घेरा भित्र रुमलिनुको बिकल्प छैन भन्छन् व्यवसायीहरु । यो सबै नगरपालिकाका दलालीहरुको खेल हुनु पर्छ । यदि होइन भने किन व्यक्तिलाई जिम्मा लगाईयो व्यवसायिक भवनहरु ? भाडा उठेकै थियो । समय सापेक्षित रुपमा भाडा बढाउदा कसैलाई पनि आपत्ति हुने थिएन । हामी व्यवसायीहरुले सामुहिक रुपमा त्यो प्रतिवद्धता नगरपालिका समक्ष राखेका पनि हौ. । त्यसैलेपनि यसको जवाफ अब आउने निर्वाचनमा दिन पछि नपर्ने व्यवसायीहरुको कटिबद्धता छ । व्यापारीहरु भन्छन्– हिजोको गल्ति अब दोहोरिन्न । यस्ता निकम्मा नेतृत्व आवश्यकता छैन । याद रहोस्, झिजाले मुँढो डढाउँछ । ख्याल राख्नुहोस्, विभिन्न विचारले भरिएका हामी व्यापारी कति त ने.क.पा.कै कार्यकर्ता पनि हौं । यहि ज्यादती रहेमा चोटिलो परिणाम दिन पछि पर्दैनौं भन्छन् बसपार्क भित्रका व्यवसायीहरु ।

यस्तै बस्ती विकासको चरम उत्सर्गमा पुगेको छ बनेपा नगर तर न ढल निकास छ, न पानीको उचित व्यवस्थापन छ, न फोहोरमैलाको निकास व्यवस्थित छ, धन्य छ नगर नेतृत्व प्रति भन्दछन् स्थानिय । नगरवासीहरुको एउटै स्वर छ यो नेतृत्वबाट अपेक्षा राख्नु व्यर्थ हो भन्दै रोष व्यक्त गर्न पछि पर्दैनन् स्थानियहरु । यो अस्तव्यस्तका बारेमा नगरसँग सम्पर्क राख्न खोज्दा सम्पर्क मै आउन चाहाँदैनन् आइ हालेपनि खुल्न चाहाँदैनन् । खुलिहालेपनि जिम्मेवारीबाट पन्सिनु बाहेक अर्काे निकास दिन सक्दैनन् बनेपा नगर नेतृत्व ।