भाषणले हुने भए पाखुरी किन चल्नु पथ्र्याे–मत्छेमाया

पनौती-धार्मिक आस्थाको आधारमा उत्तर प्रयाग भनेर चिनिने त्रिवेणीघाटमा जम्मा भएको सयौं आमा दिदी बहिनीहरुको बीचमा मत्छेमाया जंगमलाई निकै चटारो परेको देखिन्छ । उनका दुई हात दुई पाउ एकै पटक चलायमान हुने भए त्यो पनि प्रयोग गर्न पछि नपर्ने किसिमले प्रस्तुत हुनु भएको सहजै अनुमान गर्न सकिन्थ्यो भने मुख पनि त्यतिकै चलेको थियो ।

उहाँको एउटै गुनासो थियो–भाषण होइन काम गर्नुहोस् भाषणले हुने भए यो ७५÷८० वर्षको उमेरमा किन पाखुरी चलाउने पथ्र्यो भन्दै बर्बराउदै सरसफाईमा तल्लिन हुनु हुन्थ्यो । उहाँकै अनुसरण गर्दै सयौंको संख्यामा रहेका महिला दिदीबहिनीहरुको हातमा झाडु, कुटो, कुचो लगायत आवश्यक सामानहरु सहित समर्पित भएर सरसफाइमा व्यस्त हुनु हुन्थ्यो ।

सोही अवसरलाई उपयोग गर्ने जमर्को सहित बाग्मती बचाऔं अभियानका अभियन्ताहरु पनि दलबल सहित होस्तेमा हैसे गर्न पुग्नु भएको थियो । त्यसै गरी रोटरियनहरु, लायन्सहरु, लियोहरुको बाक्लो उपस्थिति थियो भने त्यसैगरी त्रिवेणी नागरिक सरसफाई अभियानलाई हौसला प्रदान गर्न पशुपति विकास कोषका अध्यक्ष डा.प्रदिप ढकाल, बाग्मती सरसफाइ अभियानका अध्यक्ष नरेन्द्रराज बस्नेत, अभियन्ता योजनाकार केशव प्रसाद पुडासैनी, लायन्स क्लब अफ काठमाडौं इन्दे्रश्वर काभ्रेका पदाधिकारीहरु, राजनीतिज्ञ मधुप्रसाद आचार्य, त्रिवेणी घाट सरसफाइ आमा समूह, काभ्रेली सक्रिय महिला समाज लगायत विभिन्न संघसस्थाहरुको उक्त अभियानमा सहभागीता जनाएका थिए । उक्त अभियानको २० औं हप्ता पार गरेको अवसरलाई अझ उर्जाशिल बनाउन पनौती नगरपालिका वडा नं ७ वडा समितिको बिषेश सकृयतामा उक्त अभियानमा सहभागि अग्रज अभियन्ताहरुलाई सोहि अवसरमा सम्मान गरिएको थियो ।

उक्त सम्मान कार्यक्रमको प्रमुख आकर्षक सामाजिक अभियन्ता पशुपति बिकास कोषका अध्यक्ष डा.प्रदिप ढकालको कथन थियो सामाजिक सेवा गर्छु भनेर मात्र हुंदैन, संकल्पित हुन सक्नु पर्छ, तव मात्र सामाजिक सेवा—सेवामा रुपान्तरण हुन्छ । त्यसैले भन्न जति सजिलो छ, व्यवहारमा उतार्न उतिनै कठिन रहेको बताउनु भयो । बागमती बचाउ अभियानका योजनाकार केशव प्रसाद पुडासैनीले पुर्खाहरुले संरक्षण गरेर राखीदिएको धरोहरलाई संरक्षण गर्नु हाम्रो दायित्व हो । त्यसैले प्रत्येक नागरिकले आफ्नो दायित्व भुल्नु भएन, यदि हामि सवैले आ—आफ्नो ठाउंवाट जिम्मेवारी लिने हो भने यो समस्या नै नआउने उहांको तर्क थियो ।

उक्त अवसरमा बाग्मती सरसफाइ अभियानका अध्यक्ष नरेन्द्रराज बस्नेत, पनौती नगरपालिका वडा नं ७ का कार्यबाहक अध्यक्ष पुरुषोत्तम कर्माचार्य लगायतका अभियन्ताहरुले त्रिवेणी सरसफाई अभियानका बारेमा चर्चा गर्नुभएको थियो । उक्त अवसरमा सहभागि अभियन्ताहरुलाई वडा कार्यालयको तर्फबाट सम्मान गरिएको थियो । सो सम्मान कार्यक्रमको अध्यक्षता कार्यवाहक अध्यक्ष पुरुषोत्तम कर्माचार्यले गर्नुभएको थियो । पुण्यमाता सरसफाइ अभियानका रुपमा स्थापित गरिएको अभियन्ताहरुले स्मरण गराएका थिए ।