न्याय सम्बद्ध काभ्रेलीहरुको भव्य सम्मान

बनेपा-`aकाभ्रे सेवा समाज, काभ्रेले नेपाल वार एशोसियन केन्द्रीय समितिको सदस्य पदमा अत्यधिक मतले विजय हुने काभ्रेली अधिवक्ताद्वय सर्व श्री गङ्गासागर खत्री र भीमसेन बन्जारालाई सफल कार्यकालको कामनासहित हार्दिक बधाई एवं सम्मान अर्पण गर्यो ।

कार्यक्रमका सभापति एवं काभ्रे सेवा समाजका अध्यक्ष केशव थापाले पछिल्ला दिनमा आएर विभिन्न प्रतिष्पर्धात्मक परीक्षामा काभ्रेलीले उल्लेखनीय सफलता हासिल गर्दै आएको सुखद् अवस्था रहेको र अब यसलाई काभ्रेली विशेषताको रुपमा स्थापित गरिनु पर्ने बताउनु भयो । मन्तव्यको सिलसिलामा अध्यक्ष थापाले विधिको शासनको पालना र कुशासनको अन्तको लागि न्याय क्षेत्रको अहं भूमिका हुने तर केही समय यता आएर (कु) तर्कले तथ्यलाई ढाकेर सत्यलाई निरीह बनाउने हर्कतले प्रश्रय पाइरहेकोले नेपाल वार तथा अन्य क्षेत्रमा कार्यरत काभ्रेलीहरुले न्यायलाई टुहुरो हुनबाट जोगाउन विशेष योयदान दिन सकून । राष्ट्र सेवकहरुमा द्रव्यमोह अनपेक्षित तवरले बढी रहेको यस समयमा पद वहाली गर्दा खाएको शपथलाई स्मरण गर्दै अन्यथा नगरी दुखै भएता पनि अविचलित तवरले पदीय दायित्व र कर्तव्यप्रति इमान्दार बनी दामभन्दा नाम कमाउन गर्नु भयो ।

समाजले न्याय सेवा लगायतका सेवामा शाखा अधिकृत पदमा उत्तीर्ण हुनुहुने काभे्रलीहरु सर्वश्री सृजना गौतम, कटुञ्जेवेसी ४, नम्रता सेढाई, पाँचखाल १२ (देवभूमि) करुणा श्रेष्ठ, धुलिखेल ५, पाल्साङ्ग लामा (तामाङ), कानपुर ५, रेस्मा बुद्धाचार्य, पनौती ६, रमैना माझी, मण्डनदेउपुर १०, बियन तिमल्सिना, बेथानचोक २, अनिता खरेल, (फलाटे) मानबहादुर लामा तामाङ, पाँचखाल ११ (खरेलथोक), बुद्धलक्ष्मी तामाङ्ग, मेच्छे ९, अक्षयकुमार दनुवार, पाँचखाल (१२, लाई पनि सोही कार्यक्रममा बीच भव्य सम्मान गर्यो ।

कार्यक्रममा कानून सम्बध्द व्यक्तित्व महात्मा गान्धी, नेल्शन मण्डेलाको विश्वव्यापी लोकप्रियता र नेपालकै सन्दर्भमा पनि गणेशराज शर्मा लगायतले बनाएको गौरवमय इतिहासलाई स्मरण गर्दै सम्मानित व्यक्तित्वहरुलाई पनि यसतर्फ ध्यान दिन आग्रह गर्नु भयो । समारोहमा समाजका संस्थापक अध्यक्ष प्रल्हाद के.सी. महासचिव निभराज जोशी, कार्य समितिका सदस्य नारायणसिंह महत, सम्मानित व्यक्तित्वहरु अधिवक्ता गङ्गासागर खत्री, भीमसेन बन्जारा, रेश्मा बुध्दाचार्य लगायतले आफ्नो भनाई राख्नु भएको थियो