ज्ञानकुञ्जको दिक्षान्त कार्यक्रम सम्पन्न

राज्य लक्ष्मी श्रेष्ठ
बनेपा । नीजि विद्यालयमा छुट्टै पहिचान कायम गर्दै अगाडी बढेको ज्ञानकुञ्ज शैक्षिक प्रतिष्ठानले कक्षा १२ उत्तीर्ण विद्यार्थीहरुलाई दिक्षित गरेको छ । जिल्लामा नै पहिलो पटक दिक्षान्त कार्यक्रमको आयोजना गरी नौलो कार्यको थालनी गर्न सफल भएको छ । ज्ञानकुञ्ज माध्यमिक विद्यालयबाट कक्षा १२ उत्तीर्ण गरेका १ सय २५ जना विद्यार्थीहरुलाई एक कार्यक्रमको आयोजना गरी दिक्षान्त गरेको छ ।

कार्यक्रम ज्ञानकुञ्ज शैक्षिक प्रतिष्ठानका अध्यक्ष सुरकृष्ण वैद्यको प्रमुख आतिथ्यमा सम्पन्न भएको थियो । कार्यक्रममा प्रतिष्ठानका प्रबन्ध निर्देशक प्रताप वैद्य, सञ्चालक आत्माराम थापा, सहायक कलेज प्रमुख, सहायक प्रिन्सिपल, शिक्षक÷शिक्षिकाहरुको उपस्थिती रहेको थियो । सो कार्यक्रममा प्रतिष्ठानका प्रबन्ध निर्देशक प्रताप वैद्यले स्वागत मन्तव्य राखेका थिए ।

कार्यक्रममा बोल्दै निर्देशक वैद्यले, प्रतिष्ठानले शिक्षण सिकाई क्रियाकलाप गर्दे शैक्षिक सत्र २०७६ मा पनि विद्यार्थीहरुको शिक्षाका साथ साथै नेतृत्व विकासका लागि पढाई संग सम्बन्धीत विभिन्न किसिमको थप कार्यक्रमहरुको आयोजना गर्ने प्रतिवद्धता गरे । कार्यक्रममा राष्ट्रिय परीक्षा वोर्डको परीक्षामा समावेश भई कलेज प्रथम एक छात्र र एक छात्रालाई वी.वी.एस. कार्यक्रममा १०० प्रतिशत छात्रवृत्ति प्रदान गर्ने जानकारी गरे । ‘शिक्षा’ मानव जीवनको अपरिहार्यता र जीबनशैली सँग सम्बन्धित रहेकोले समयको माग अनुरुप शिक्षाको संरचना परिवर्तन गर्दे नैतिक, व्यावहारिक शिक्षाका लागी ज्ञानकुञ्ज सदैब लागी रहने वाचा गरे ।

प्रतिष्ठानका अध्यक्ष सुरकृष्ण वैद्यले शैक्षिक गुणस्तर, आधुनिक शिक्षण सिकाई, बैज्ञानिक ढंङ्गबाट अभिभावकहरुका बिच लोकप्रिय रहेको प्रतिष्ठान आगामी दिनहरुमा समेत अझै सशक्त र सबल हुदै सबैको मन जित्न सफल हुने बिश्वास व्यक्त गरेका थिए । साथै दिक्षित विद्यार्थीहरुलाई बधाई तथा शुभकामना दिदै उत्तरोत्तर प्रगति र उज्जवल भविष्यको कामना समेत गरेका थिए ।

सोही कार्यक्रममा ११ औँ राष्ट्रपती रनिङ्ग सिल्ड २०७५ छात्रा भलिवल विजेता खेलाडीहरु, प्रशिक्षक जितेन्द्र श्रेष्ठ, एम.वी.एस. जिल्ला प्रथम विद्यार्थी विनय जसपाउ लाई सम्मानित गरियो । कलेजका सहायक कलेज प्रमुख नवराज चौलागाइले दिक्षित विद्यार्थीहरुलाई करियर काउन्सेलिङ्ग सम्बन्धी विभिन्न किसिमका प्रस्तुतीहरु दिएका थिए ।

कार्यक्रमको समापन, विद्यालयका सहायक प्रिन्सिपलले सम्पूर्ण विद्यार्थीहरुलाई आगामी दिनहरुमा पनि ज्ञानकुञ्जबाट आफुले सिकेका अनुभवहरुलाई जीवन उपयोग बनाउँदै समाजमा नेतृत्वदायी व्यक्तित्व बन्ने आशाका साथ शुभकामना व्यक्त गर्दै कार्यक्रम समापन गरेका थिए ।