अनुमतिको अभावमा काभे्रमा कक्षा ११ र १२ बन्द हुंदै, सहज ढंगबाट गुणस्तरयि शिक्षा हासिल गर्ने अवसरबाट बञ्चित

बनेपा-काभे्र जिल्लाकै सवैभन्दा पुरानो क्याम्पसको रुपमा रहेका काभ्रे बहुमुखी क्याम्पसले गुणस्तर सुनिश्चितता प्रत्यापनको चक्र पुरा गर्न सफल भई QAA हासिल गर्ने तयारीमा पुगेको छ ।

जिल्लाका बिभिन्न स्थानबाट बिद्यार्थिहरु अध्ययनको लागि आउने उक्त क्याम्पसमा अव कक्षा ११ र १२ सञ्चालन नहुने शंकेत देखा परेको छ । जसको कारण विद्यार्थिहरुले थोरै लगानि गरी गुणस्तरीय शिक्षा हासिल गर्ने अवसरबाट बञ्चित हुने संम्भावना प्रवल रहेको छ ।
क्याम्पसले सोमबार पत्रकार सम्मेलनको आयोजना गरी क्याम्पसले कक्षा ११ र १२ बन्द गर्नुपर्ने बाध्यताको बारेमा जानकारी गराएको थियो । कार्यक्रममा क्याम्पस प्रमुख केजि वैदारले बनेपा नगरपालिकाले सिफारिस नदिदा उक्त कक्षाहरु बन्द गर्नुपर्ने अवस्था आएको बताउनु भयो । क्याम्पसले जारी गरेको विज्ञप्तिमा उललेख गरेको छ , नेपाल सरकारको नीति तथा निर्देशन अनुसार प्राबिधिक शिक्षा तर्फको कक्षा ९ र १० सञ्चालन गरी नेपाल सरकारको शिक्षाको नयाँ नीति अनुसार अगाडी बढ्ने उद्देश्यले अनुमतिको लागि २०७५ माघ महिनामा बनेपा नगरपालिका निवेदन दिएकोमा हाल सम्म पनि अनुमति नदिएकोले कक्षा ११ र १२ बन्द गर्नुपर्ने भएको उल्लेख छ ।

मुलुकभरमा झण्डै दुई दर्जन क्याम्पसले मात्र हासिल गर्न सफल भएको QAA काभे्रमा काभे्र क्याम्पसले मात्रै हासिल गर्ने तयारीमा रहेको छ । हाल सम्म काभे्रमा अन्य कुनै क्यापसले QAA हासिल गर्न सकेको छैन । राष्ट्रिय स्तरको मान्यता पाउन सफल काभे्र क्याम्पसले समय सापेक्षित विद्यार्थिहरुको चाहना अनुसार नयाँ कार्यक्रमहरु सञ्चालन गर्ने तयारीमा रहेको छ । जसमा बि.बि.ए, बि.एच.एम, बि.एस.सि, सि.एस.आइ.टि (बिइ) समेतको कक्षा संञ्चालन गर्ने तयारी गरेको छ । तर उक्त कक्षहरु संञ्चालन गर्न हाल क्याम्पस रहेको स्थानमा जग्गा नपुग्ने भएकोले जग्गा व्यवस्थापन गर्ने जानकारी गराइएको छ ।

पत्रकार सम्मेलनमा क्याम्पस प्रमुख केजि वैदारले नयाँ ढंगको कक्षहरु संञ्चालन गर्न कम्तिमा ४० रोपनि जग्गा आवश्यक हुने भएकोले सो जग्गा जुन स्थानमा मिल्छ सोही स्थानमा गएर कक्षा संञ्चालन गर्ने तयारी भएको जानकारी गराउनु भयो । क्याम्पसले ल्याएको नयाँ ढंगको कक्षा बनेपा नगरपालिका, धुलिखेल नगपालिका र पनौति नगरपालिका मध्य कुनै एक स्थानमा संञ्चालन गर्ने तैयारी गरेको बताउनु भयो । उहाँले थप्नुभयो काभे्र क्याम्पसको नाउमा रहेको १८ रोपनि १० आना जग्गा मध्य बनेपा नगरपालिकाले हस्तक्षप गर्दा हाल हाल ८ रोपनि मात्र रहेकोले थप कक्षाहरु संञ्चालनको लागि अन्यत्र जानुपर्ने अवस्था आएको बताउनु भयो ।

बैदरका अनुसार विश्वविद्यालय अनुदान आयोगको ८ वटा मापदण्ड पूरा गरेको छ । जसमा नीति तथा कार्यविधिहरु, पाठ्यक्रम, शिक्षण सिकाई तथा मुल्यांकन पद्धति, अनुसन्धान, परामर्श तथा विस्तार सेवा, पूर्वाधार तथा सिकाई श्रोतहरु, विद्यार्थी सहयोग तथा परापर्श सेवा, सूचना प्रणाली र सार्वजनिक सूचना सम्प्रेशनहरुमा उल्लेखिनीय सुधारहरु जस्ता मापदण्ड पूरा गरेको छ । क्याम्पसले यो मापदण्ड पूरा गरेपछि BBA, BHM, BSC (CSIT), BE लगायतका कार्यक्रमहरु सञ्चालन गर्न सक्ने आधारहरु निर्माण भएको छ ।

नगरले अनुमति नदिदा कक्षा ११ र १२ संञ्चालन नहुने बिषयमा बनेपा नगरपालिकाका शिक्षाशाखा प्रमुख श्यामसिं धामीसंग सम्पर्क गर्दा क्याम्पसले सम्बन्धित वडाको सिफारिस लगाएतको आवस्यक कागज नपुगेको कारण अनुमति दिन नसकेको बताउनु भयो । शिक्षा शाखाको भनाईको बिषयमा क्याम्पस प्रमुख बैदारसंग बुझ्दा वडा कार्यालयमा सिफारिस मागेको वडाले आफ्नो अधिकार क्षेत्रभित्र नपर्ने भन्दै वडाध्यक्षले नगरपालिकालाई चिठी काट्दा समेत नगरले कुनै प्रतिउत्तर नदिएको बताउनु भयो ।