वडा कार्यालयमा चोरी

तेमाल । वडा कार्यालय मार्फत हुने आर्थिक करोवारको रकमलाई लक्षीत गरी चोरहरुले कार्यालयको मुल ढोका फोरी नगद चोरेका छन् ।

तेमाल गाउँपालिका वडा नं. ६ को कार्यालयमा चोरी हुँदा नगद ३३ चोरहरुले लगेको वडा अध्यक्ष विकु मोक्तानले प्रभातफेरीलाई जानकारी गराएका छन् । वडा अध्यक्ष मोक्तानका अनुसार चोरले वडा कार्यालय मुल ढोका फोरेर अफिस भित्र रहेको वडा सचिबको टेबुलको बाकस फोरी बाकसबाट रू २६ हजार ५ सय र वडा अध्यक्षको टेबुल बाकसबाट रू ६ हजार ५ सय समेत लगेको छ ।

कार्यालय समयमा कार्यालयमा आउंदा वडा कार्यालयको ढोका फोरेको देखेर भित्र हेर्दा चोरी भएको थाहा भयो अध्यक्ष मोक्तानले भने । वडा सचिव रामराज खरेल विहान कार्यालयमा पुग्दा तोडफोड गरेको भेटिएको थियो । घर्रा चेक गर्दा त्यसमा भएको सबै पैसा लगेको वडा अध्यक्ष मोक्तानले जानकारी दिए । चोरी भएको थाहा पाएपछि तुरुन्तै पचुवारघाट प्रहरी चौकीमा उजुरी दिएका थिए ।

पचुवारघाट प्रहरी चौकीका हवलदार रामजी राईका अनुसार घट्नाको अनुसन्धान भइरहेको संकास्पद व्यक्तिहरुलाई निगरानीमा राखी अनुसन्धान सुक्ष्म ढंगले अनुसन्धान गरीरहेको बताए ।