एक्सेस ब्राण्ड त्यतिकै प्राप्त भएको होइन – केसी

बनेपा-सहकारीको उद्देश्य र लक्ष्य अनुसार काम भएरै अन्तर्राष्ट्रियस्तरको ब्राण्ड प्राप्त गरेको बुडोल सामुदायिक साकोसका अध्यक्ष रामहरि केसीले बताउनुभएको छ ।

स्थापनाको दुई दशक पार गरिरहँदा हासिल गरेको उपलब्धी त्यसैका प्रतिफल हुन् । यहाँ एक्लैले गरेर उपलब्धी प्राप्त हुँदैन । यस संस्थासँग आबद्ध रहेका १२ हजार ३ सय ३८ जना शेयर सदस्यहरुको उतिकै योगदान छ र पो सफल भएका छौं भन्नुहुँदै संस्थाले आफूलाई विदेशी भूमिमा समेत आफूलाई परिचित गराउन सफल भयो । यो श्रेय सम्पूर्ण शेयर सदस्यज्यू र कर्मचारी तब मात्र कार्यसमितिलाई जान्छ भन्नुभयो ।
शनिबार एकै समयमा बनेपा र धुलिखेलमा शुरु भएको वार्षिक साधारण सभाले सामाजिक दायित्वलाई प्राथमिकतामा राखेर साधारण सभा सम्पन्न गरेको छ । साधारण सभामा सम्बन्धित विभागीय प्रमुखहरुबाट आ–आफ्नो जिम्मेवारी अनुरुप प्रतिवेदन पेश गरिएको थियो ।