सिड नेपालको १८ र्औं बार्षिक साधारण सभा

आर.एल.श्रेष्ठ
नाला। सिड नेपाल बहुउद्देश्यीय सहकारी संस्थाको १८ औं बार्षिक साधारण सभा सम्पन्न भएको छ ।

साधारण सभाको उद्घाटन गर्दै जिल्ला सहकारी संघ लिमिटिडका अध्यक्ष बिनोद पराजुलीले संस्थामा आवद्ध शेयर सदस्यको साथै समुदायको हितको लागि कार्य गर्न सफल भएको बताउनु भयो । प्रमुख अतिथि पराजुलीले थप्नुभयो सहकारीका सिद्धान्त तथा मूल्य मान्यतालाई आत्मासाथ गर्दै थप सदस्यमुखि योजनाहरुलाई अगाडी बढाउनु हालको आवश्यकता भएको बताउनु भयो ।

संस्थाका अध्यक्ष रेशमलाल नेपालीको सभाध्यक्षतामा सम्पन्न उक्त कार्यक्रममा संस्थाका सचिव राजन श्रेष्ठले बार्षिक प्रगति प्रतिवेदन, कोषाध्यक्ष नवराज श्रेष्ठले आर्थिक प्रतिवेदन, लेखा सदस्य राजाराम दाहालले लेखा प्रतिवेदन र रमनकाजी शुवालले कृषि प्रतिवेदन प्रस्तुत गर्नु भएको थियो ।

संस्थाका उपाध्यक्ष रामदेवि श्रेष्ठबाट स्वागत मनतव्य राखी सुरु भएको कार्यक्रममा बनेपा नगरपालिका वडा नं ४ का वडा अध्यक्ष श्याम शुन्दर श्रेष्ठ, डाईनामिक युवा वचत तथा ऋण सहकारीका अध्यक्ष माधव सिग्देल, संस्थापक अध्यक्ष शिद्धि बहादुर कर्माचार्य लगायतले सहकारीको बारेमा आ—आफ्नो धारणा राख्नु भएको थियो भने कार्यक्रम संञ्चालन राजाराम दाहालले गर्नु भएको थियो ।

२०७४।०७५ तुलनामा ठुलो फड्को मार्न सफल भएको सहकारी संस्थाको कारोबार १७ करोड ७३ हजार ३ सय ७५ रहेको छ भने विगतको बर्षमा भएको शेयर पुंजि ७२ लाख ३३ हजार ७ सय बाट बढाएर १ करोड ६६ लाख ३३ हजार ५ शय पु¥याउन सफल भएको छ । यस्तै गरी सदस्य बृद्धि, ऋण लगानी साथै निक्षप संकलनमा समेत अत्यन्त राम्रो भएको प्रतिवेदनमा उल्लेख भएको छ ।