पनौतीमा एक महिना फोटो प्रर्दशन , कृषि,पशु र पर्यटनको हवको रुपमा अगाडी बढाउंछौं -न्यौपाने

प्रल्हाद शर्मा हुमागाई
पनौती/काभे्र जिल्लामा रहेको स्थानिय तह मध्यको फरक पहिचान भएको पनौती नगरमा एक महिनासम्म पनौतीको पहिचान झल्कने फोटो प्रदर्शनिमा राखेको छ । फोटोकै कारण नगरको अति महत्वपुर्ण सम्पदाको पहिचान गराउने प्रमुख उद्देश्यका साथ उक्त कार्यको थालनि गरिएको हो ।

धार्मिक तथा ऐतिहासिक महत्वले परिचित नगरमा रहेको अति महत्वपुर्ण तथ्यको बारेमा समेत फोटो प्रदर्शनिले प्रस्ट्याउने भएको छ । नेपाल भ्रमण बर्ष २०२० को सुरुवातिबाटै सुरु गरेको उक्त कार्यले गर्दा पनौती नगरको पहिचान नेपालमा मात्र नभएर अन्तराष्ट्रिय स्तरमा समेत परिचित हुनेभएको छ । भ्रमण बर्षको सुरुवातिमै सुरु गरेको उक्त कार्यले गर्दा पनौतीको बारेमा दुरदराजमा रहेका वास्तविक बिषय बस्तुको बारेमा समेत जानकारी हुने भएको छ ।

पनौती नगरपालिका र पनौती पर्यटन केन्द्रको आयोजनामा भएको उक्त कार्यले गर्दा भ्रमण बर्षमा मात्र नभएर निरन्तर रुपमा पर्यटकहरु पनौतीमा आउने वातावरणको सृजना भएको छ । विगतमा १२ बर्षे मकरमेलाको नामबाट मात्रै परिचित पनौतीको ऐतिहासिक स्थानमा धार्मीक रुपमा के—कस्तो महत्व वोकेको रहेछ भन्ने बिषयमा सवै पक्षले बुझ्ने अवसर पाउने भएका छन् ।

पनौती नगरमा रहेको फरक ढंगको रितिरिवाज साथै भेषभुसाको बारेमा समेत पहिचान गराउने बिषयमा नगरपालिकाले चासो दिएको छ । जसले गर्दा छायाँमा पर्दै आएको स्थानिय पर्व, भेषभुसा, रितिरिवाजको समेत संरक्षण हुनेभएको छ । नगरमा रहेको धार्मिक तिर्थस्थलको निश्चित क्षेत्रभित्र ढिकी जाँतो चलाउन नहुने, भू—कम्प आउदा समेत उक्त तिर्थस्थलमा भुकम्पले क्षति नपु¥याउने लगाएतका वास्तविक सत्य तथ्यलाई सार्वजनिक गर्दै नगरमा रहेको तिर्थस्थलको महत्वको बारेमा जानकारी गराउने उद्देश्यले नगर अगाडी बढेको छ ।

नगरपालिकाले ऐतिहासिक क्षेत्रको संरक्षण, संम्बर्धन साथै पहिचानको बिषयमा अगाडी बढाएको योजनाले गर्दा पनौती नगरको मात्रै नभएर जिल्लाकै नाम राष्ट्रिय , अन्तराष्ट्रिय स्तर सम्म परिचित हुनेभएको छ । नगरले नगरवासिको हितको लागि पशु तथा कृषिमा बिभिन्न नयाँपन साथै आधुनिक तरिका अपनाउंदा कृषकहरु आत्मनिर्भर हुने भएका छन् । त्यसैगरी ऐतिहासिक क्षेत्रको संरक्षण गर्दै आन्तरिक तथा वाह्य पर्यटकहरु आकर्षित गर्ने योजनाले गर्दा व्यापार व्यवसाय साथै पर्यटक व्यवसायीहरुको हितको खातिर कार्य हुनेभएको छ ।

भ्रमण बर्षको अवसरमा अन्यत्रको तुलनामा धेरै पर्यटकहरुलाई पनौतीमा आकर्षित गराउने योजना बनाएको छ । नगरपालिकाले सरोकारवालाहरु साथै स्थानियहरुसंग समन्वय गरेर अगाडी बढिरहेको छ । जसकोलागि पनौतीको बिभिन्न सम्पदाहरु देखि लिएर पर्यटकिय क्षेत्रहरु समेटिएको १२ वडाहरुको फोटो प्रर्दशनीमा राखिएको छ । ऐतिहासिक पनौती नगरपालिका बिश्व सम्पदाको सुचिमा सुचिकृत हुने क्रममा भएको कार्यले गर्दा थप टेवा मिल्ने भएको छ ।

यसै बिषयमा नगरका प्रमुख भिम न्यौपानेसंग सम्पर्क गर्दा पनौतीलाई कृषि, पर्यटन साथै पशुको हवको रुपमा अगाडी बढाएर नगरवासिहरुलाई आत्मनिर्भर वनाउने लक्ष्यका साथमा अगाडी बढेको बताउनुभयो । उहाँले थप्नुभयो भ्रमण बर्ष नेपाल सरकारले घोषणा गरिए अनुसार सफलसंगै पनौतीमा धेरै आन्तरिक तथा बाह्य पर्यटक भित्राउने लक्ष्यका साथ अगाडी बडेका छौं । पनौतीको बिकास पनौतीको समृद्धिको लागि ऐतिहासिक धार्मिक पर्यकटहरुर कृषि पर्यटकहरु लाई आकर्षित गराउने बिषयमा समेत लागिरहेको प्रमुख न्यौपानेले बताउनुभयो ।

सम्पर्कमा प्रमुख न्यौपानेले भन्नुभयो “नगरपालिकाले सबै क्षेत्रसंग मिलेर कार्यहरु गरिरहेको छ, पनौती नगरपालिका भित्रका घुम्नै पर्ने बस्तीहरु समेटिएर प्रदर्शनमा फोटो राखिएको नगरपालिकाको पर्यटकिय सम्भावना भएको स्थानहरुको बारेमा सबैसामु जानकारी दिनको लागि हामीले जानकारी मुलक पर्चा समोत निकालेका छौं ।”